Italiako Alderdi Demokratak "Covid tasa" proposatu du, errenta altuenei ezarriko litzaiekeen zerga
Urtean 80.000 eurotik gora irabazten dutenei gutxienez %4koa izango den zerga ezartzea proposatu du Italiako Alderdi Demokratak. Ehuneko hori hazten joango litzateke irabaziak handiagoak izan ahala, eta urteko milioi bat euroko irabaziak dituztenei %8ko zerga ezarriko litzaieke. Izurriteak sortu dituen kalte ekonomikoak konpontzera bideratuko litzateke bildutako dirua.
2018ko hauteskundeetan botoen %23 inguru eskuratu zuen Italiako Alderdi Demokratak proposatu du neurria. Italia da Europan koronabirusak gehien kolpatu duen herrialdeetako bat, bai kutsatu kopuruari dagokionez, baita ekonomiaren arloan ere. Martxoan 25.000 milioi euroko diru-laguntzak eman zituen osasun-sistemarako eta langabetuentzat. Apirilean 400.000 milioi euroko aurrekontua onartu du enpresei laguntzeko eta esportazioak bultzatzeko.
Baina ez da nahikoa. Izurriteak ekonomian izan duen eragina leuntzeko, errenta altuenak dituztenei zerga berri bat ezartzea proposatu du alderdiak, “lehentasunezko produktuak erosteko beste ondasun” ez duten familiei laguntzeko.
Alderdi Demokrataren kalkuluen arabera 1.250 milioi euro batuko lituzkete zerga horrekin. 803.000 pertsona inguru izango lirateke ordaindu beharko luketenak, alegia, zergak ordaintzen dituzten herritarren artean %1,95. Salbuespenak ere aurreikusten ditu planteamendu honek. Adibidez, medikuek ez lukete zerga ordaindu beharko. “Klase boteredunek pobreekiko duten elkartasun keinu bat da”, esan du Fabio Melilli Alderdi Demokratako diputatuak.
Kritikak jaso ditu parlamentuaren gehiengoaren eta oposizioaren partetik. Neurria zentzugabekeria dela eta Alderdi Demokratako kideek beren soldatak murriztu ditzatela esan dute Giuseppe Conte lehen ministro zein Stefano Buffagni garapen ekonomikoko ministro ordeak. Matteo Salvini barne ministro orde ohiak ere neurriaren aurka egin du, eta “gelditu” egingo dutela adierazi du.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.