ARGIA.eus

2021eko maiatzaren 10a
"Parkean euskaraz" egitasmoa

Iruņerriko familia euskaldunentzat aisialdia euskaraz gozatzeko aukera

  • 2-6 urte arteko haurrak dituzten familia euskaldun edo ia euskaldunek aukera izango dute aisialdian euskaraz funtzionatuko duen talde bat sortzeko, eta Dindaia fundazioak maiatzean eta ekainean astean egun batez antolatuko dituen euskarazko tailer eta jolasetan aritzeko. Familiek parte hartzeko da egitasmo hau eta beraz, haur bakoitzeko guraso euskaldun edo ia euskaldun batek parte hartu beharko du. Bertan izena emateko epea maiatzaren 9 arte dago zabalik.

ARGIA @argia
2021eko maiatzaren 04a
Dindaia Fundazioaren ekimenetako bat.

Adin aniztasuna kudeatzeko, talde bakoitzean bi azpitalde banatuko dira: 2-3 urtekoak eta 4-6 bitartekoak. Dindaia fundazioak antolatu du ekimen hau eta helburua hizkuntza ohiturak aldatzea dela azaldu du: "Gure seme alabek euskarazko murgiltze ereduan ikasi arren, eskolatik at gaztelaniaz aritzen dira. Lagunekin, aisialdiko eskaintzan... benetan aukera gutxi dago euskaraz funtzionatzeko. Guraso-haur, guraso-guraso eta haurren arteko harremanen hizkuntza ohiturak euskaratu eta, eskolatik kanpo euskaraz funtzionatuko duen talde bat sortzea da helburua, herriari edo auzoari lotuta”.

Txantrea, Arrotxapea, Iturrama-Donibane, Arrosadia, Sarriguren eta Antsoaingo familiek izango dute aisialdia euskaraz gozatzeko programa honetan parte hartzeko aukera. Maiatzeko azken bi asteetan eta ekaineko lehenengo astean hiru saio antolatuko ditu Dindaiak, asteko saio bat.

Izen ematea eta aurrera begirako asmoak

Maiatzaren 9ra arte dago aukera izena emateko, hemen.

Ahotsa hedabideak antolatzaileen hitz hauek jaso ditu: “Irailetik aurrera astero saio bat antolatzea litzateke gure asmoa, helburuan eragin eta egonkortasuna lortu ahal izateko. Irailean, D ereduko ikastetxeek duten eskolaz kanpoko proposamenen artean sartu nahi dugu. Horretaz aparte, talderik osatu ez duten auzo eta herritako interesatuei gurekin kontaktuan jartzeko deia zabaldu nahi dugu”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskara  |  Nafarroa  |  Aisialdia

Euskara kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude