Errigorako zazpi ekoizleren produktuak 20 jantokitan zerbitzatuko dituzte irailetik aurrera

  • Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor eta egituratuak" sortzen direla esan dute antolatzaileak.


2023ko maiatzaren 31n - 11:56
Azken eguneraketa: 2023-06-02 08:51:51

Irailetik aurrera, Errigoraren baitako zazpi ekoizleren produktuak Euskal Herriko 20 ikastola, eskola eta jantokitako plateretan izango dira. Euskal Herria oinarri eta auzolana lanabes dituen ekimen herritarra da Errigora. Elikadura burujabetza, euskara eta auzolana sustatzea du helburu beti ere.

Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Euskal Herrian, Ager eremuko baratzeetan soilik diren produktuak eta jantokien beharren neurriko kantitateetan ekoiztutako produktuak zaku, latoi eta bidoietan prestatzen dituzte.

Jantokietara olioa, tomatea, piperra, arroza, txitxirioak, dilistak, eta zainzuriak bezalako produktuak banatuko dituzte.

Egitasmo berriaren baitan, jantokien dinamika iraunkorrean Ager eremuko produktuak sartuz gero, euskal lurraldeen artean "harreman iraunkor eta egituratuak" sortzen ari direla esan dute antolatzaileak. Baita bertako produktuen sustapena eta auzolana ere. Gainera, ekoizleen artean eta kontsumo ohituretan euskara sustatzen ari direla gehitu dute.

Zein herritan banatuko dira produktuak?

Bizkaiako jantokien artean daude: Lekeitiko Azkue ikastola, Markinako Bekobenta ikastola, Gernikako Allende eskola, Larrabetzuko eskola, Leioako Betiko ikastola, Sopelako Ander Deuna ikastola, Bilboko Abusu, Urretxindorra eta Kirikiño ikastola, eta Erandioko Altzaga eskola.

Gipuzkoako jantokien artean daude: Tolosako Laskorain ikastola, Arrasateko Fagor Ederlan lantegia, Hernaniko haur eskola, Beasaingo Andramendi ikastola, Ibarrako Uzturpe ikastola, Villabonako Zubimusu ikastola, eta Oreretako ikastola.

Nafarroan Amaiurko eskolako jantokiak hartuko du parte. Senpere eta Maulen, bestalde, Suhari errestaurazio enpresaren jantokira eramango dituzte produktuak.

 


Irakurrienak
Matomo erabiliz
Azoka
Kanal honetatik interesatuko zaizu: Errigora
'Eutsi geureari' goiburuarekin abiatu da Errigoraren udaberriko kanpaina

Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari'  izeneko kanpaina abiarazi zuten atzo eta martxoaren 13ra arte aukera dago saski horietako... [+]


14.000 saskitik gora saldu ditu Errigorak, eta 185.000 euro bideratuko ditu euskalgintzara

Hamar urte dira saskiekin hasi zirela eta bi milioi euro bildu dituzte guztira.

 


Errigora, hamar urte euskarari puzka

50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.


Ludoteka euskaldunak Nafarroa erdi eta hegoaldean, aisialdian ere haurrak euskaraz aritu ahal izateko

Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]


Suteei aurre egiteko, auzolana eta elkar-laguntza

Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]


Eguneraketa berriak daude