Idoia Mendia gezurtatu du LABek: “Ez dugu elkarrizketa sozialean parte hartuko”
Eusko Jaurlaritzako Lan eta Enplegu sailburu Idoia Mendiak irratian esan du ez duela baztertzen LABek Elkarrizketa Sozialerako Mahaian "parte hartu ahal izatea". Sindikatu abertzaleak "modu interesatuan" egindako adierazpenak direla dio, eta gezurtatu egin du halakorik egingo duenik.
Eusko Jaurlaritzak sustaturiko Elkarrizketa Sozialerako Mahaia deituriko organoan parte hartzeko ELAk eta LABek "eskua zabalik" dutela adierazi du Idoia Mendiak Herri Irratiarekin egindako elkarrizketan. Eta LABen posizioan "azpimarra berezia" egin du gainera.
Jaurlaritzaren Lan eta Enplegu sailburuak nabarmendu du sindikatuak bere azken kongresuan "instituzioetan parte hartzeko asmoa" adierazi duela. Hala, ez du baztertzen LABek Elkarrizketa Sozialerako Mahaian "parte hartu ahal izatea". Besteak beste, bere esanetan, organo horretatik sortutako diru-laguntza bat ere eskatu dio Eusko Jaurlaritzari sindikatuak.
LAB: "Patronalaren eta Jaurlaritzaren politikak zuritzeko mahaia da"
LABek oso irmo erantzun die Mendiaren adierazpen horiei, eta gezurtatu egin du organo horretan parte hartuko duenik: "Argia eta ezaguna da LABek elkarrizketa sozialeko mahaiarekiko duen jarrera: ez du parte hartzen, ezta hartuko ere, kritikatzen duen elkarrizketa sozialeko eredu horretan".
Sindikatuaren esanetan organo horrek "Patronalaren eta Jaurlaritzaren politikak zuritzeko helburua besterik ez du", eta sustatu nahi den elkarrizketa eredua "Estatuarekiko guztiz menpekoa" da: "Idoia Mendiak eta Jaurlaritzak, gehiengo sindikalak errespetatu eta gutxiengo sindikalarekin eraiki den elkarrizketa mahai antidemokratiko hori bertan behera utzi beharko lukete".
Bere azken biltzarrean profil soziopolitikoa indartzea erabaki zuela argitu du LABek. "Egoera eraldatzeko, proposamenak lantokietan eta kalean borrokatzeaz gain, parte-hartze gune desberdinetan ere borrokatzea" du helburu, Gobernuaren eta patronalaren arteko "sintonia" agerian uzteko.
Euskararen normalizazioaren motorrak herri dinamikara bueltatu behar du aurrera egin nahi badugu
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
ELAk astearte honetan eman dio amaiera XVI. Kongresuari eta Mitxel Lakuntza aukeratu dute hirugarrenez idazkari nagusi, ordezkarien %90,37ren babesa lortuta. Aurrera begira lantokietako "botere sindikalean eta eragin politikoan" jauzi bat emateko beharra azpimarratu du,... [+]