Elkartasuna eta boikotaren beharra zabaldu dute hiriburuetan milaka lagunek
Urriaren 15ean Palestinaren aldeko eguna da Hego Euskal Herrian, eta hainbat sindikatuk eta mugimendu herritarrek mobilizazioak, lanuzteak eta grebak deitu dituzte. ARGIAk bat egin du Palestinaren aldeko greba eta lanuzteekin. Hemen aurkituko dituzue egunaren jarraipena eta Palestinako azken berriak.
Palestinaren aldeko lanuzteek enpresetan jarraipen zabala izan dute eta zenbait enpresatan produkzioa eten behar izan da. Hiriburuetako manifestazioetara hamarnaka mila pertsona elkartu dira.
Bizkaiko hiriburuko manifestazioa oso jendetsua izaten ari da, bertan da Maria Ortega lankidea:
Hezkuntzak izan du jarraipenik altuena. STEILASen arabera, oro har %60-70eko jarraipena izan du, eta haur eskoletan %80koa.
"Indar erakustaldi" gisa deskribatu du LABek lanuzteen jarraipena, "oso zabala" izan baita. Enpresa batzuetan erabateko jarraipena izan da, eta produkzioa eten behar izan dute. Beste batzuetan ere, nahiz eta ez izan erabateko jarraipenik, ekoizpena etetea eragin dute Palestinaren aldeko lanuzteek.
Zigor Olabarria kazetaria ari da Gasteizko mobilizazioen jarraipena egiten. Jendez lepo zegoen Andre Maria plaza manifestazioa hasi aurretik, milaka lagun elkartu baitira:
Lander Arbelaitz lankidea ari da Donostiako mobilizazioen berri ematen:
Xabier Letona ari da Iruñeko mobilizazioen jarraipena egiten:
.jpg)
.jpg)
.jpg)
.jpg)
Josebe Blanco artzainaren iritzi-artikulua: "Gaur, ongi merezia lukete, bada, Palestinako emakume nekazari eta abeltzainek gure greba orokorra. Sustraietatik oihu egingo lukeen greba orokorra litzateke geurea. Gaur geure eguna baita. Zuek jakin ez arren".
Naroa Elortzaren analisia: "Urriaren 15a ez da izan marko propioa aldarrikatzeko eguna, difuminatu delako Espainiako mobilizazioekin. Baina urriaren 16tik aurrera, marko propioaren aldeko borroka berreskuratu behar genuke".
Gazako zerrenda Egiptorekin lotzen duen Rafah pasabidea zabaltzea eta egunean laguntza humanitarioko 600 kamioiri Gazan sartzen uztea hitzemana zuen Israelek, baina asteartean mehatxu egin zuen 300 kamioi soilik utziko zuela sartzen eta Rafah pasabidea ez zuela zabalduko. Mehatxua egitean Hamasi leporatu zion bahituen artean hilda zeuden 28 gorpuetatik soilik lau itzuli izana. Hamasek astearte iluntzean Gurutze Gorriaren esku jarri zituen beste lau gorpu, asteazken goizean familiek identifikatu dituztenak.
ARGIA parte den Olatukoopek dei egin du mobilizazioetara batzera, sionismoarekin harremanak etetera eta ekimenak eta proiektuak antolatzera.
Igandean indarrean sartu zen su-etenaz geroztik, armada sionistak hiltzen jarraitu du. Gutxienez bederatzi palestinar hil eta beste hiru adin txikiko zauritu dituzte. Droneekin tirokatuta hil dituzte lehenak, eta besteak Al-Shifa ospitaletik gertu zeuden lehertu gabeko munizio israeldarragatik zauritu dira.
Miñaoko (Araba) parke teknologikoan dagoen AEG Powe Solutions Iberia enpresako langileek deia luzatu diete gainerako langileei, "Israelgo Estatuarekin harremanak hausteko greba orokorrarekin" bat egin dezaten, esanez sindikatuek deituriko lanuzteak ez direla "nahikoak".
Enpresa horrek bateriak eta kargadoreak ekoizten ditu CAF enpresarentzat Israelgo tranbia egiteko.
Palestinaren aldeko lanuzteek enpresetan jarraipen zabala izatea aurreikusten zuten sindikatuek, eta hala izaten ari da. Gainera, mobilizazioak lantokietan bertan hasi dira, hiriburuetan egingo diren manifestazio handien atariko.
Hezkuntzak egun osoko greba bizi du Hego Euskal Herrian eta jarraipen zabala izaten ari dela adierazi diote ARGIAri langileen eta ikasleen ordezkariek. Jarraipenaren datuak, elkarretaratzeak, zabaldu dituzten mezuak eta deialdi berezituaren arrazoiak jaso ditugu. “Beste... [+]
Italiako Poliziak hogei bat lagun atxilotu ditu astearte iluntzean Udine hirian, Italiako selekzioak Israelen aurka jokatu duen futbol partidaren atarian, palestinar herriaren aldeko manifestazioa amaitu osteko liskarretan.
Palestinako herriarekin elkartasunez, ARGIAko lantaldeak aho batez erabaki du bat egitea urriaren 15erako Hego Euskal Herrian deitutako lanuzte eta greba deialdiekin. Hedabide honetako kazetariek greba aktiboa egingo dute eta Palestinarekin loturiko informazioei jarraipen... [+]
Urriaren 15erako deialdi ugari egin dituzte Hego Euskal Herrian.
Aurten bigarrenez, Iparraldea Palestinarekin sareak "palestinarrak haien erresistentzian sustengatzeko eta Israel zein bere konplizeen kontra borrokatzera deitzeko eguna" antolatu du azaroaren 15ean Makean (Lapurdi). Halaber, dei egin dute azaroaren 8an Israelekin... [+]
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Gazte Koordinadora Sozialistak Beasaingo CAF enpresaren barnean pintaketak egin ditu, enpresak “kolonizazio prozesuarekin lotura” duela seinalatuz, prentsara igorritako oharrean. Sare sozialetan zabaldu dute bideoa.
Naxker, Fermin Muguruza eta Bloñ musika taldeek, besteak beste, bat egin dute Musikariak Palestinarekin plataformak abiatutako Spotify-ren aurkako ekimenarekin. Hain justu, musika erreproduzitzeko aplikazio erraldoiaren jabe nagusiari, Daniel Ek-eik, egozten zaio Israelek... [+]
Global Sumud Flotilla pasa den asteazken gauean bahitu zuen Israelgo armadak, eta bigarren flotilla bat abiatu zen Gazara, laguntza humanitarioa ematera eta blokeoa haustera. Freedom Flotilla and Thousand Madleens ontzidia ere bahitu dute, eta 140 ekintzaile atxilotu.
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Asteazken gauean Global Sumud Flotilla atzeman ostean, hurrengo flotilla Gazara bidean zihoan. Thousand Madleens izena du, Frantziako Estatuko ekintzaileek antolatu dute batez ere, Siziliatik atera zen. Asteazken goizaldean Israelgo armadak flotillako itsasontziak abordatu... [+]
Gaueko 23:30 pasatxo heldu dira Loiura Israelek Gazari ezarria dion blokeoa apurtzen saiatu den flotillan joandako lau euskal herritarrak. Dozenaka lagun eta senide zain zituzten aireportuan eta harrera beroa egin diete. Gazan egunez egun pairatzen jarraitzen duten genozidioa... [+]
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]