Elikaduraren etorkizuna eta nekazaritzaren erronkak aztertuko ditu 'Elikadura21' biltzarrak Gasteizen
Susan George, Mixel Berhokoirigoin eta beste hizlari hautatuz osatutako elkarrizketarekin gaur arratsaldeko 19:00etan emango zaio hasiera Gasteizen 'Elikadura21: Elikaduraren Etorkizuna Eta Nekazaritzaren Erronkak XXI Menderako' biltzarrari, Hagako ISS Institute for Social Studies instituluak sustatzen dituen nazioarteko jardunaldien baitan, EHNE Bizkaia sindikatuarekin eta Etxalde mugimenduarekin elkarlanean. Mundu osoko aditu, unibertsitateko ikerlari eta herri mugimenduetako militanteak bilduko dira bi egun eta erdiko jardunaldiotan.
Arratsaldeko 19:00etatik aurrera hasierako elkarrizketa orokorraren protagonistak izango dira honako pertsonalitateok: Mixel Berhokoirigoin (Euskal Herriko Laborantza Ganbara), Susan George (Transnational Institute), Raj Patel (Texaxeko Unibertsitatea), Annette Desmarais (Manitobako Unibertsitatea), Unai Aranguren (EHNE Bizkaia eta Vía Campesina), Harriet Friedmann (Torontoko Elikadura Politikarako Kontseilua) eta Teodor Shanin (Manchesterreko Univertsitatea). Mahai inguruaren koordinazioa Paul Nicholson eta Sofia Monsalveren ardura izanen da.
Arratsaldean bertan, aurretik, Critical Agrarian Studies sarearen euskal adarra aurkeztuko dute. Sare honek biltzen ditu beren hitzetan 'mundu mailan nekazaritza fronteak dauzkan gai beroenetan ari diren akademiko, aditu eta ekintzaileak".
Astearte goizeko elkarrizketa nagusiaren gaia izanen da "Kapitalismoa, klasea: kapital, ondasun eta jendearen fluxuak nekazaritzan, abeltzaintzan eta arrantzan" eta arratsaldekoa "Ondasun komunetarako irispidea, haien kontrola eta erabilera". Tartean, mundu osoko adituek beren komunikazioak aurkeztuko dituzten atelier sorta.
Nekazariek Gasteizko egunak kokatzen dituzte Vía Campesina nekazari mugimenduak 2017. urtean Derion (Bizkaia) uztailean burutu behar duen Nazioarteko VII.Konferentziarantzako agendaren barruan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Zergatik doa mundu guztia Iruñera erosketak egitera, gure eskualdean elikagai asko ekoizten bada? Zergatik da hain zaila bailara hauetako produktuak bailara hauetako dendetan topatzea?”, galdera horiei eta beste zenbaiti tiraka hasi ziren lanean Zangoza aldean duela... [+]
Bidaia hau hasi nuenean, ikuspuntu erromantikoz imajinatzen nituen baso jangarriak: zuhaitz artean ibili, fruitu goxoak dastatu, loreak usaindu... baina baso jangarriek badituzte arantza ugari ere, porrotak, erratak... Gaur, ikasketa politak eskaini dizkidaten porrot horietako... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]
Elikagaien prezioak zergatik igo dira hainbeste? Nola ezartzen dira prezioak? Juanma Intxaurrandieta Nafarroako Unibertsitateko ekonomia irakaslea eta INTIAko kudeatzaile ohia da, egun erretiratua. Eli Pagolak Egonarria saioan egin dion elkarrizketan, hizkuntza arruntean eta... [+]