Euskaldunontzat justizia aldarrikatu eta manifestaziora deitu dute Baionatik dozenaka eragilek
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
25 bat eragilez inguraturik hartu dute hitza Intza Gurrutxaga eta Gorka Torre EHEko kideek, apirilaren 11n izanen duten auziari begira haien irakurketa plazaratzeko: "Hemen bildu gara euskararentzat eta euskaldunontzat justizia aldarrikatzeko. Hemen bildu gara atzerapausorik ez dugula onartuko esateko; are gehiago, elkar hartuta, aurrera egiteko prest gaudela adierazteko". Abenduaren 3an, Euskararen Nazioarteko Egunaren karietara desobedientzia ekintza bat burutu zuten, Baionako Auzitegiaren hormetan Justizia euskararentzat leloa pintatuta. Frantziako eta Espainiako Konstituzioen menpe den herria izanik, euskarak justizia-eza pairatu beharra salatzeko ekintza izan zuten: "Gure eskubideak behin eta berriz zapalduz, euskaraz bizitzea ukatzen digute".
Egoera iraultzeko aukera independentzian –"euskaren Errepublikan"– daukate. Horrez gain, egoera bestelakotzeko neurrien alde "ardurak hartzeko" deia ere luzatu diete herritarrei zein eragileei, baita instituzioei ere.
Bi auziperatuei elkartasuna adierazteko eta "euskaldunontzat zein euskararentzat benetako justizia" aldarrikatzeko, manifestaziorako deia luzatu dute: apirilaren 6an izanen da, Baionan. Aldarri andana entzunarazteko unea izanen dute: "Euskal Herri osoan euskara ofizial izan dadila aldarrikatzeko; hezkuntza euskalduna aldarrikatzeko; euskaraz epaituak izateko eskubidea aldarrikatzeko; euskalgintzara dirulaguntza publiko gehiago bideratzea aldarrikatzeko…".
Ondorengo eragileak egon dira martxoaren 12an Baionan egindako prentsaurrekoan: Euskalgintzaren Kontseilua, Konfederazioa, AEK, Seaska, Ikastolak, Hizkuntza Eskubideen Behatokia, Seaska, IKA, UEMA, Plazara, Bilgune Feminista, Steilas, LAB, ELA, EH Bai, Elkar, Jardun. Horrez gain, hainbat norbanako ere egon dira bertan: Martxelo Otamendi, Amagoia Mujika, Kike Amonarriz, Maddi Ane Txoperena, Jakes Bortairu, Sagrario Aleman eta Edurne Alegria.
Elkarretaratzea Tolosan
Euskaraz hitz egitea eskatzeagatik Renfeko segurtasun agente batek EHEren kide bati eraso egin izana salatuko dute ostegun arratsalde honetan. Tolosako tren geltokiaren aitzinean jarri dute hitzordua, 19:00etan.
Galtzaundi Euskara Taldetik ere irmoki salatu dute tolosarrak euskaraz egiteagatik jasotako erasoa eta emandako tratua: "Euskararen aurkako erasoak ez dira onargarriak. Tolosan ere euskaraz bizi gara". Tolosako auzapez Andu Martínez de Rituertok gertakariaren biharamunean azalpenak eskatu zituen, euskaldunon kontrako gisa honetako erasoak erabat arbuiagarriak direla gaineratuta.
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
Euskal Herrian euskara "hainbatetan ukatua edo bigarren hizkuntza bezala tratatua" dela salatu du EHEk, eta egoera hobetzeko hizkuntza politiketan jauziak egitea ezinbestekoa dela adierazi du. Hori dela eta, elkarretaratzeak egingo ditu Maulen, Donapaleun eta Baionan,... [+]
Egoerak bere horretan segituz gero, Euskal Hirigune Elkargoak ez du izenpetuko EEP Euskararen Erakunde Publikoa osatzeko hitzarmen berria. Orain artekoa urte hondarrean bukatuko denez, baliteke 2026an ofizialtasunik gabe izateaz gain, hizkuntza politika bideratzeko egitura... [+]
Euskalgintzako hainbat eragile Baionako karriketara atera dira EEPren finantzaketaren inguruko kezkak agertzeko. 2017tik izozturik den aurrekontuaren aurrean, Frantziako Estatuak iragarritako 100.000 euroko igoera "trufa" gisa salatu dute.
Dozenaka lagunek agerraldia egin dute astelehen arratsaldean Baionan, Pirinio Atlantikoetako Departamenduaren egoitzaren aurrean. Frantziak EEPn 100.000 euro gehiago inbertituko dituela iragarrita, euskararen etorkizuna bermatzeko hizkuntza politikak "ausardia eta... [+]
"Egungo baldintzetan" EEP Euskararen Erakunde Publikoak berritzeko hitzarmena sinatuko ez duela mehatxu eginda, Euskal Hirigunearen Elkargoak sei hilabete eman die erakunde publikoa osatzen duten partaideei Parisekin negoziatzen jarraitzeko. Astelehenean agerraldia egin... [+]
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Bordeleko Errektorearekin hitzartu du "behin-behineko" akordioa Seaskak. Horrez gain, Euskararen Erakunde Publikoarekin eta Frantziako Hezkuntza Ministerioarekin hitzarmena sinatzeko negoziaketak abiatuko dituzte hurrengo astean. Azterketak euskaraz egiteko aukera... [+]
Azterketa euskaraz egitea debekatzen dietela salatu du Baionako Bernat Etxepare lizeoko Euskal Herrian Euskaraz taldeak. Pasaden urtean egindako eskakizunei jarraiki, aurten ere azterketak euskaraz egiteko eskatu dute.
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]
Euskal hizkuntzalaritza esperimentaleko katedra berria estreinatu dute Baionako fakultatean.
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Hizkuntzarako ere gurasoak haurrentzako eredu direla kontuan hartuta, euskararen erabilera eta irakaskuntzari buruz sentsibilizatzeko helburua duen hamabostaldia antolatu dute Hendaia, Urruña, Donibane Lohizune eta Ziburuko herriek. Martxoaren 15etik 30era guraso... [+]
Nafarroa Beherean, Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen.
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.