On.eus ataria sortu dute Ipar Euskal Herriko eragileek, euskararekin laguntzeko
"Ez da izango hainbeste iritziz beteriko webgunea, laguntzarako baliabideen bilduma baizik", azaldu digu Arantza Egigurenek, On.eus webgunearen arduradunetako batek. Astearte goizean aurkeztu dute Baiona Ttipian, On! sorgunean. Erabiltzaileak lau multzotan banatu dituzte, eta bakoitzari egokitutako edukiak bildu, euskararekin duten harremana sendotzeko baliagarriak izango zaizkielakoan. "Gure helburua da coaching lingustikoa egitea", dio.
aurre egingo dieten hedabide independenteak
Lau multzoak hauek dira: haur euskaldunen gurasoak, euskara ikasten ari diren helduak, euskaraz bizi nahi dutenak eta euskararekiko interesa duten erdaldunak.
Gurasoek, adibidez, zalantza izan dezakete etxeko-lanekin nola lagundu; bada, webgunean hainbat gomendio daude jasota. Euskaraz ikasten ari direnentzako hiztegiak daude, idatzizkoak zein ahozkoak; euskaraz bizi nahi duten herritarrentzat baliabideak eskainiko ditu (kultur ekitaldiak, hitzaldiak...); euskara deskubritu nahi dutenek ere txoko berezia dute... "Webgunean uztartu ditugu, batetik, parte hartu duten eragileek sortuak izan diren artikuluak; eta, bestetik, leku berean bildu ditugu Interneten zeuden baliabideak, izan marrazki bizidun, film, disko, joko, podcast... jendeari errazago egiteko horiek aurkitzea", esan digu Egigurenek. Webgunea Ipar Euskal Herriko erabiltzaileei dago zuzenduta batez ere, baina Euskal Herri osora begira dagoela gaineratu du.
Erabiltzaile bakoitzak, gainera, mapa batean zehaztu ahal izango ditu bere herria eta adina, "dispositibo edota eragile zehatzak errazago topatzeko", Egigurenek azaldu digunez. "Norberaren beharrak desberdinak dira testuinguruaren arabera –herria, eskola, familia...–, desberdinak dira Uztaritzeko eta Mauleko herritarraren behar eta interesak, eta saiatu gara ez orokortzen".
Webgunearen helburuetako bat da "euskararen errealitatea zein den ezagutarazi eta horri buelta ematen saiatzea", baina "dramatizatu gabe, positibotik helduta baizik, umoretik askotan", Egigurenen hitzetan.
51 kolektibo eta norbanako
Parte hartu duten 51 eragileen artean daude, besteak beste, Plazara, Jakinola, Seaska, Ikas Bi, Bai Euskarari eta Euskal Haziak. Sustengua eman duten instituzio publikoak, bestalde, EEP, Hirigune Elkargoa, EKE, Akitania Berria eskualdea eta Europako Kontseilua dira. "Tresna hau da ON! Piztu euskara(z) elkartea eta Euskararen Erakunde Publikoaren arteko lankidetza baten emaitza", irakurri daiteke webgunearen azalean.
Oraingoz eragileok sareratutako artikuluak aurki daitezke webgunean, 35 bat orotara, baina aurki kronikagile berrien (Kike Amonarriz, Maddi Kintana, Ainize Madariaga...) testuak ere bilduko ditu. Baita eduki gehiago ere, euskarazko museoa eta ibilbide turistikoen zerrenda, adibidez, Ipar Euskal Herrira doazen Hegoaldeko ikastetxeentzat lagungarri.
Bost urteko lanaren fruitua
Webgunearen abiapuntua duela bost urte koka dezakegu, Eneko Gorri Mintzalasai euskara elkarteko kide eta Miarritzeko euskara teknikariak Txillardegi-Hausnartu soziolinguistika saria irabazi ostean, Ongi etorri. Euskaltzaletasuna sendotzeko ekosistema komunikatiboa proposamenarekin. Ondorengo urteetan hainbat gogoeta-saio egin zituzten euskalgintzako eragileek, ideiak bateratu eta webgunea diseinatzeko. Europako FEDER funtsetako eta EEPren dirulaguntzek eman zioten azken bultzada ekonomikoa proiektuari.
Ttitto Betbeder Euskararen Erakunde Publikoko zuzendari berriaren ustez kontzertazioa sustatu behar da euskalgintzarekin eta aholku batzordea biziarazi berriro.
Eztabaida gutirekin baina herriaren indarrarekin egin du bere administrazio kontseilua Euskal Kultur Erakundeak irailaren 13 honetan. 70 eta 80 elkarteen ordezkaritza hurbildu zen mobilizaziora, baina suprefeta eta DRACa gabe egin behar izan dute.
Euskal Kultur Erakundeak (EKE), Ipar Euskal Herriko euskarazko kulturaren eragile garrantzitsuenak, arriskuan dauka bere burua, eta elkarretaratze deitu du larunbaterako Uztaritzen. Frantziako Estatuaren laguntzetan 30.000 euroko murrizketa jasan dute 2025ean (udan jakinarazia),... [+]
Orain Baionako merkatuko saltzaileek afitxa bidez jakinarazten dute euskaraz eta gaskoiz aritzeko prest direla. Baionako Herriko Etxeak duela bi urte abiatutako euskara plangintzaren ildotik ekintza abiatu du.
IFOP institutuak eginiko ikerketa ezaguratarazi du Eskualde eta Herri Solidarioen Federazioak Korsikan, eta ondorioztatu dute Frantziako Estatuan biztanleen erdiak nahiko lukeela bere eskualdeak autonomia handiagoa izatea.
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
Euskal Herrian euskara "hainbatetan ukatua edo bigarren hizkuntza bezala tratatua" dela salatu du EHEk, eta egoera hobetzeko hizkuntza politiketan jauziak egitea ezinbestekoa dela adierazi du. Hori dela eta, elkarretaratzeak egingo ditu Maulen, Donapaleun eta Baionan,... [+]
Egoerak bere horretan segituz gero, Euskal Hirigune Elkargoak ez du izenpetuko EEP Euskararen Erakunde Publikoa osatzeko hitzarmen berria. Orain artekoa urte hondarrean bukatuko denez, baliteke 2026an ofizialtasunik gabe izateaz gain, hizkuntza politika bideratzeko egitura... [+]
Euskalgintzako hainbat eragile Baionako karriketara atera dira EEPren finantzaketaren inguruko kezkak agertzeko. 2017tik izozturik den aurrekontuaren aurrean, Frantziako Estatuak iragarritako 100.000 euroko igoera "trufa" gisa salatu dute.
Dozenaka lagunek agerraldia egin dute astelehen arratsaldean Baionan, Pirinio Atlantikoetako Departamenduaren egoitzaren aurrean. Frantziak EEPn 100.000 euro gehiago inbertituko dituela iragarrita, euskararen etorkizuna bermatzeko hizkuntza politikak "ausardia eta... [+]
"Egungo baldintzetan" EEP Euskararen Erakunde Publikoak berritzeko hitzarmena sinatuko ez duela mehatxu eginda, Euskal Hirigunearen Elkargoak sei hilabete eman die erakunde publikoa osatzen duten partaideei Parisekin negoziatzen jarraitzeko. Astelehenean agerraldia egin... [+]
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Bordeleko Errektorearekin hitzartu du "behin-behineko" akordioa Seaskak. Horrez gain, Euskararen Erakunde Publikoarekin eta Frantziako Hezkuntza Ministerioarekin hitzarmena sinatzeko negoziaketak abiatuko dituzte hurrengo astean. Azterketak euskaraz egiteko aukera... [+]
Azterketa euskaraz egitea debekatzen dietela salatu du Baionako Bernat Etxepare lizeoko Euskal Herrian Euskaraz taldeak. Pasaden urtean egindako eskakizunei jarraiki, aurten ere azterketak euskaraz egiteko eskatu dute.
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]