Euskara batuaren etorkizunaz arituko dira urrian Euskaltzaindiaren nazioarteko biltzarrean
Urriaren 4tik 6ra izango da biltzarra Arantzazun, euskara batuak 50 urte bete dituela baliatuz. 50 hizlari inguru arituko dira euskara batuaren historia laburraz eta etorkizunaz.
“Arantzazutik mundu zabalera (1968-2018)” biltzarrean euskara batuaren sorrerari eta ibilbideari errepasoa emango diote. Alabaina, batik bat etorkizunean jarriko dute fokua. Euskara batuaren erronkak aztertuko dituzte ondoko esparru hauetan: komunikabideetan, ingurune digitalean, hezkuntzan, lanbideetan, administrazioan, literaturan eta itzulpengintzan. Euskara batua Nafarroan eta Ipar Euskal Herrian nola den ere landuko dute.
Beste hizkuntza batzuetan estandarizazio prozesuak nola egin diren azalduko dute, hala nola, katalanaren, galegoaren eta frisieraren kasuan.
Euskaltzaindiak webgune berritua eta “Euskara Batuaren Eskuliburua” aurkeztuko ditu.
Egitarau osoa lotura honetan daukazue.
Jardunaldiak streaming bidez ikusi ahal izango dira.
Nabarralde Fundazioak Federico Krutwig Sagredoren bizitza, pentsaera eta lanak jasotzen dituen liburua argitaratu du. Krutwigen Lagunak elkarte edo kolektiboko 13 lagunek idatzi dute bertan, tartean Manu Ertzillak eta Oskar Arantzabal eibartarrak. Hain zuzen ere, bi hauek egongo... [+]
"Batasunaren bidean" lelopean 8.000 lagun bildu dira eta 8.226 metrotan zehar euskara aldarrikatu dute. Ondoren, antolatzaileek egokitutako bost gunetan elkartu dira ikasleak. Arratsaldean ere jarraituko dute ekimenarekin eta euskara batuaren hamabost sustatzaile... [+]
Martxoaren 24an izango da, eta 8.000 pertsonak emango diote eskua elkarri. Ikastolen Elkarteak eta Euskaltzaindiak antolatu dute ekimena. "Euskara batuak gure herriaren garapenean izan duen balioa" azpimarratu nahi dute, eta euskara batuaren sorrera bultzatu... [+]
Paskual Rekalde euskaltzain osoak sarrera-hitzaldia egin du maiatzaren 23an bere sorterrian, Amaiurren. Hizkuntzalari hau 2020ko uztailaren 17an izendatu zuen euskaltzain oso Euskaltzaindiak, baina pandemia dela-eta urtebete atzeratu dute sarrera-hitzaldia. Bere hitzaldian,... [+]