Gora eginda, EH Bildu nagusi iparraldeko udaletan, eta UPN eta PSN hegoaldean

  • Iruñean inoiz ez da horren lehia estua egon UPN eta EH Bilduren artean (2.500 boto azkenean), eta EH Bilduk gora egin du udal askotan. Eskuinak, aldiz, ez du batu. PSNren esku egongo da alkatetza asko UPNra joan ez daitezen.


2023ko maiatzaren 29an - 00:14

UPNren eta EH Bilduren arteko lehia gori-gori egon da azken unera arte Iruñeko Udalean, baina azkenean UPN gailendu zaio 2.500 botoko aldearekin, bi alderdien artean inoiz egon den tarte txikienarekin. PSNk betetzen badu kanpainan esandakoa hurrengo alkatea UPNkoa izango da. Baina eskuina eta PSN gabeko indar aurrerakoien lehia oso estu egon da berriz ere –2015ean UPNk galdu zuen–, UPNk eta PPk hamaika zinegotzi lortu baitituzte, eta EH Bilduk, Geroa Baik eta Zurekin Nafarroak beste hamaika. Lehen bozketan gehiengo osoa lortu ezean, alkatetza lehen indarrak eramaten duenez, UPNrentzat litzateke. Giltza, beraz, aurreikusi bezala, PSNren esku egongo da, baina gobernua UPNri ematea zamatsuagoa egingo zaio oraingoan, indar aurrerakoiek hamasei zinegotzi dituztelako eta eskuinak hamaika.

Oro har, banatuta joateak ez dio zinegotzi gehiago eman eskuinari, alderantziz, eta hala ere, Nafarroako hamar udal garrantzitsuenetatik bostetan UPNk irabazi du: Iruñean, Tuteran (gehiengo osoarekin), Eguesibarren, Barañainen eta Lizarran. Burlatan, Tafallan, Antsoainen eta Atarrabian EH Bilduk irabazi du (gehiengo osoarekin) eta Zizur Nagusian Geroa Baik. Altsasun Geroa Baik gehiengo osoa lortu du, Leitzan EH Bilduk, eta Baztanen EH Bildu gehiengo osotik oso gertu geratu da.

Oro har, azken hauteskundeetan gertatzen ari den bezala, UPN eta EH Bildu dira Nafarroako udal indar bozkatuenak eta gobernagarritasunari begira udal asko banatuko dituzte bien artean. 2015ean EH Bilduk, Geroa Baik eta Ahal Duguk egindako itunei esker UPNren alkatetza ugari eskuratu zituzten; oraingoan, ordea, PSNren beharra egongo da horietako asko eskuinak eraman ez ditzan, eta honek iragarri du jada ez diola botorik emango ezker abertzaleko alderdiari. Zer gertatuko den, aldiz, beste kontu bat da, udaletan berezko dinamikak egoten dira eta. Ez dira gutxi izan PSNk izan dituen istiluak, bere zinegotziek ez dutelako bete izan zuzendaritzatik emandako agindua.


Kanal honetatik interesatuko zaizu: Udal eta foru hauteskundeak 2023
Udal hauteskundeetan "iruzur saiakera zantzuak" salatu ditu Donostiako EH Bilduk

Ekialdeko Barrutiko batzarraren eraketan antzeman du irregulartasuna, lau hautesmahai kontaketatik kanpo utzi baitira.


Analisia
Etsaien artean, lagunena

EH Bildu lehen indarra izan den herrietan, eta PPk edo PSNk alkatetza kentzeko aukerarik zuten kasuetan, alderdi espainolistek haien bitartekoak jarri dituzte hori egiteko. PSNk erraztu egin du UPNren alkatetza, esaterako Iruñean, boto zuria emanda. PPk, berriz, EAJ... [+]


Udal osaketen analisia
Turismotik babesteko aldaketa politikoa dator euskal kostalde osoan zehar

Sopela, Bermeo, Mundaka, Lekeitio, Pasaia edo Hondarribia bezalako kostako herrietan EAJ alkatetzatik kanpo geratu da, turismo masifikatuaren aurkako programekin aurkeztu diren ezkerreko alderdi eta herri plataformen emaitzei esker.


Unai Hualde da berriz Nafarroako Legebiltzarreko lehendakaria

Ostiral honetan eratu da Nafarroako Legebiltzarra eta Geroa Baiko Unai Hualde izendatu dute Legebiltzarreko Mahaiko presidente PSN, EH Bildu eta Zurekin-eko botoekin. Aurreko legealdian ere bera izan da legebiltzarreko lehendakaria.


Eguneraketa berriak daude