EH Bilduk ez du Iruñeko alkatetzatik kanpo utziko duen “hirugarren biderik” onartuko

  • Hautesleen % 27 ordezkatzen dute eta “hiriko lehen indar aurrerakoia” izanik ordezkaritza printzipio demokratikoari helduko diotela adierazi du Iruñeko EH Bilduko alkategai Joseba Asironek.

Joseba Asiron EH Bilduko alkategaia prentsaurrekoan.
Artikulu hau CC BY-SA 3.0 lizentziari esker ekarri dugu.

2023ko ekainaren 01an - 07:20

Elma Saiz PSNko Iruñeko alkategaiak bere hautagaitza aurkezteko asmoa iragarri du astearte goizean Geroa Bairi eta Zurekin Nafarroari deituko ziela iragarriz. Eta arratsaldean, Joseba Asiron EH Bilduko alkategaiak defendatu du EH Bilduri dagokiola, indar "aurrerakoi" bozkatuenari, akordio baterako negoziazioen buru izatea eta UPN gainditzeko zein alkatetza eskuratzeko alternatiba bat osatzea, izan ere, "printzipio demokratikoa da indar aurrerakoi bozkatuenak agintea hartzea".

Asironek adierazi duenez, EH Bilduk ez du Iruñeko alkatetzatik kanpo utziko duen formularik aurreikusten, hautesleen % 27 ordezkatzen dute eta; "inork ez dezala proposatu hirugarren biderik”, berretsi du Asironek. "PSNri dagokion bezala Nafarroan lidergoa hartzea, EH Bilduri dagokio Iruñean lidergoa hartzea", hain zuzen ere, “aniztasunaren isla izan behar du gobernuak, baita gobernu batzordeak ere”, adierazi du EH Bilduko alkategaiak. “Eskuzabalak” izango direla nabarmendu du, "posible da Iruñean Gobernu aurrerakoia osatzea".

Datozen urratsak “diskrezio osoz” eta “leialtasunez” emango dituztela adierazi du Asironek, eta "bide guztiak uztartuko ditut gobernu aurrerakoia osatzeko", hirugarren bide horiek “eskuineko gobernura eramaten baitute ezinbestean”, gaineratu du. 

Zazpi auzotan izan da lehen indar izan den arren, 700 boto inguru falta izan zaizkio EH Bilduri 9 zinegotzi izateko eta Iruñean hazi den indar bakarra izan dela azpimarratu du Asironek. Era berean, une honetan "Udalaren pantailan” gaudela nabarmendu du eta “ordezkagarritasunaren oinarrizko printzipio demokratiko horretara joko dugu", ziurtatu du eta alkategaiak baieztatu duenez "negoziazioaren esparruan azken minutura arte" iraungo dute; "lehen urratsak" eman ditu "gainerako indar aurrerakoiekin harremanetan jartzeko".


Kanal honetatik interesatuko zaizu: Udal eta foru hauteskundeak 2023
Udal hauteskundeetan "iruzur saiakera zantzuak" salatu ditu Donostiako EH Bilduk

Ekialdeko Barrutiko batzarraren eraketan antzeman du irregulartasuna, lau hautesmahai kontaketatik kanpo utzi baitira.


Analisia
Etsaien artean, lagunena

EH Bildu lehen indarra izan den herrietan, eta PPk edo PSNk alkatetza kentzeko aukerarik zuten kasuetan, alderdi espainolistek haien bitartekoak jarri dituzte hori egiteko. PSNk erraztu egin du UPNren alkatetza, esaterako Iruñean, boto zuria emanda. PPk, berriz, EAJ... [+]


2023-06-18 | David Bou
Erreakzioa

Udal hauteskundeak pasa eta astebetera, badirudi prest gaudela aztertzeko hauteskunde berri hauek utzi dituzten emaitzak, datozen lau urteetan udalerrien politika instituzionala markatuko dutenak. Azterketa posible guztietatik kezkagarriena, zalantzarik gabe, Herrialde... [+]


Udal osaketen analisia
Turismotik babesteko aldaketa politikoa dator euskal kostalde osoan zehar

Sopela, Bermeo, Mundaka, Lekeitio, Pasaia edo Hondarribia bezalako kostako herrietan EAJ alkatetzatik kanpo geratu da, turismo masifikatuaren aurkako programekin aurkeztu diren ezkerreko alderdi eta herri plataformen emaitzei esker.


Eguneraketa berriak daude