Hamalau sexu eraso leporatuta epaituko dute Eskoziako lehen ministro ohi Alex Salmond

  • 2007tik 2014ra bitartean Eskoziako lehen ministro izandako Alex Salmond Edinburgoko epaitegietan izan da asteazkenean. Hamar emakumeri hamalau sexu eraso egin izana egozten diote, tartean bi bortxaketa saiakera. Martxoaren 9an hasiko da epaiketa.


2019ko azaroaren 22an - 09:49
Salmond Edinburgoko epaitegira bidean. Argazkia: rte.ie

Leporatzen dizkioten delitu guztiak 2008 eta 2014 urte artean egindakoak dira, Eskoziako lehen ministroa eta SNP alderdi independentistako burua zela. Akusazioen artean bi bortxaketa saiakera daude. Eraso gehienak Eskoziako lehen ministroentzat egokitutako etxebizitza ofizialean bertan, Bute House delakoan, gertatutakoak dira. Akusazio guztiak ukatu ditu Salmondek.

Salmonden ibilbide politikoa

Bitan izan da Eskoziako alderdi sozialdemokrata eta independentistako buru. 2007an agintera eraman zuen eta 2014ra arte Eskoziako lehen ministro izan zen. Urte horretan independentziari buruzko erreferenduma galdu ostean kargua utzi zuen. Ordutik Nicola Sturgeon alderdikidea da Eskoziako lehen ministroa. 2015ean Westminsterren parlamentari izendatu zuten, 2017an eserlekua galdu arte. Sexu erasoak direla eta, haren aurka zabaldutako prozesu judizialean irregulartasunak salatu zituen 2018an eta Eskoziako gobernuaren aurka ekinbide legalari ekin zion. Une horretan SNP alderditik baja eman zuen.


Kanal honetatik interesatuko zaizu: Sexu Erasoak
Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Lau urteko kartzela zigorra ezarri diote 41 urteko gizon bati Iruñean, bikotekideari sexu erasoak egiteagatik

Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.


Bi gizon atxilotu dituzte Galdakaon, sei adingaberi sexu erasoak egitea egotzita

Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.


2024-02-13 | ARGIA
Bi gizon atxilotu dituzte Tolosan eta Ibarran, hiru sexu-eraso egitea egotzita

28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.


Eguneraketa berriak daude