Sexu erasoa egotzita atxilotu du Foruzaingoak gizon bat Sarrigurenen, bikotekidearen adin txikiko alabari eraso egiteagatik. Noticias de Navarra-k jakitera eman duenez, gertakariak adin txikikoa bere amarekin bizi den etxebizitzan jazo ziren, ama etxetik irten zen unean. Gizona larunbat arratsaldean atxilotu zuten, eta astelehen honetan epaituko dute. Magistratuak bortxaketa delitu baten egile gisa espetxean sartzeari buruzko erabakia hartuko du.

Horrez gain, iragan astean lau gizon espetxeratu zituzten, unibertsitateko jai batean emakume bat bortxatzea leporatuta.