2021etik aurrera, LGBTI+ mugimenduaren historiari buruzko ikasgaia emango da Eskoziako ikastetxe publiko guztietan, Gobernuak hala erabakita. “Hurrengo belaunaldiei zor diegu, haur eta gazte guztiak diren modukoak beldurrik gabe izatea ahalbidetuko duen lekua bihurtu dadin eskola”, diote Hezkuntza ministeriotik.

Eskozian gaelikoak bizi duen egoera kezkagarria jarri du mahai gainean ikerketa batek. Etxean ez da apenas gaelikoz hitz egiten, nerabeek ez dute erabiltzen eta Eskozia mendebaldeko irletan sakabanatuta dauden adineko batzuek baino ez darabilte. Hizkuntza politika aldatu behar dela ohartarazi du ikerketak.

Bortxaketa saiakera eta sexu erasoa bezalako karguekin, bederatzi emakumeren aurkako hamahiru kasu zituen epaitegian Eskoziako lehen ministro ohiak. Hamargarren emakume batek ere jarri zion salaketa, baina fiskaltzak atzera bota zuen. Orain, Edinburgoko Auzitegi Gorenak errugabe deklaratu du.

Europako Batasuna 1993an sortu zenetik kide berriak gehitu dira bata bestearen atzetik. Joan den ostiralera arte 28 estatuk osatu dute makro-egitura politiko eta ekonomiko hori. Izan ere, urtarrilaren 31 historiara pasako da, EBk izan duen lehen zatiketaren eguna izan delako. Prozesu korapilatsu eta luzearen ostean, 67 milioi pertsonak, Erresuma Batuko biztanleek, agur esan diote EBri. Historian iltzatuta geratuko den mugarri geopoliko honen erroak eta ondorio batzuk aletu ditugu erreportaje... [+]

Eskozian independentziari buruzko bigarren erreferenduma deitzeko eskumenak eskatu zituen abenduan Eskoziako lehen ministroak, eta ofizialki erantzun dio orain Erresuma Batuko lehen ministroak: eskumenak ukatu dizkio. Independentziaren alde 80.000 lagun batu dituen Glasgowko martxaren ostean dator erantzuna.

Independentziaren aldeko zortzi martxa iragarri zituzten 2020rako, eta larunbatean egin dute lehena Glasgow hirian. 80.000 lagun atera dira kalera antolatzaileen arabera.

Brexita gauzatzeko aukera eskura du Lehen Ministro eskuindar Boris Johnsonek, Alderdi Kontserbadoreak gehiengo absolutua lortu ostean. Alderdi Laboristak 85 urtean izan duen emaitzarik eskasena eskuratu du. Eskoziako Alderdi Nazionala da hirugarren indarra Erresuma Batuko Komunen Ganberan.

Brent petrolioa esaten zaio erregai horren salerosketetan erabiltzen den petrolio gozo eta arinari, munduan urre beltzaren salerosketan erreferentzia gisa gehien erabiltzen denetako bat da. 50 urte baino ez dira pasatu Ipar Itsasoaren hondoan zulatuta aurkitu zutenetik baina hasia da urritzen. Laster, ordea, Brent izena eraman dezake ingurumen arazo konpongaitz batek: iturriok agortutakoan, horiek ustiatzeko eraikitako egitura handiak nork eta zein preziotan desmuntatu.

2007tik 2014ra bitartean Eskoziako lehen ministro izandako Alex Salmond Edinburgoko epaitegietan izan da asteazkenean. Hamar emakumeri hamalau sexu eraso egin izana egozten diote, tartean bi bortxaketa saiakera. Martxoaren 9an hasiko da epaiketa.