ARGIA.eus

2021eko urriaren 20a

Errusiak nazien gaineko garaipenaren 75. urteurren ospakizunak laburtuko ditu

  • Errusiak larunbat honetan, maiatzak 9, ospatzen du Armada Sobietarrak Alemania naziari gerra irabazi zioneko 75. urteurrena, baina koronabirus izurriaren hedatzeak behartu du ospakizunak murriztera.

ARGIA @argia
2020ko maiatzaren 09a
Argazkia: 2018ko ospakizunak. G. Images

Aurreko urteetan Vladimir Putin urteko desfile nagusiaren buruzagitzan azaldu ohi zen, munduko beste zenbait lider aldamenean zituela Errusiako armadaren tankeen eta militarren desfilea Plaza Gorrian nola gauzatzen zen begira. Aurtengoan Putinek herritarrei adierazi die Garaipen Eguna sakratua den arren errusiarrentza, munduak bizi duen pandemiarekin horrelako ospakizun publikoa burutzea arriskutsuegia zela eta ekitaldi nagusia mugatu du Kremlin aurrean egingo duen lore eskaintza eta hitzaldira.

Hala ere, Errusiako bazter guztietan jaurtiko dituzte su artifizialak eta ziento erdi bat hiritan airean ikusiko dituzte hegan gerra hegazkinak, Siriako basetik espreski etorriak barne, erreaktore eta helikptero erakustaldi handi batean.

Aldiz, aurtengoz egin gabe geratuko dira herrialde osoan zehar urtero ikusten diren manifestazio handiak, Errusiako herritarren artean oroimen historikoa bizirik atxikitzen laguntzen dutenak.

Asko aipatu da egunotan Errusian COVID-19ak hartu duen indarra, baina komeni da zenbakiak testuinguruan ongi kokatzea. Maiatzaren 9a arte Errusian zenbatu dira 187.859 kutsatu (ofizialki aitortuak, testeaturik positibo emanak) eta 1.723 heriotza. Munduan kasu kopuruetan 5. dagoen arren, heriotza kopuruetan 18. dago eta milioi bateko heriotzetan askoz ere atzerago, milioi biztanleko 12 heriotza baizik ez dauzkanez.

Alderatu Euskal Herriko datuekin: heriotza gehiagorekin (1.884) ofizialki kutsatuta ez dauzkagu 24.658 baino, eta milioi 1 biztanleko 588 hil zaizkigu. Frantziarekin ere aldera genezake Errusia: antzeko kutsatu kopuru batekin (176.079) askoz heriotza gehiago dauzka (26.230). Azken finean, harrigarria da orain arte eduki duten heriotza kopuruarekin zein test kopuru handia egiteko gai izan diren Errusian: 100 positibo errusiarretan heriotzak apenas iristen diren 1era (%0,91). Euskal Herrian, 100 positiborentzako 7,5 hil dira eta Frantzian 14,8.

Arazoak arazo, Errusiak erakustaldi galanta eman digu Mendebalari COVID-19 susmagarriak era masiboan testeatzeari dagokionez.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Koronabirusa  |  II. Mundu Gerra  |  II. Mundu Gerra  |  Errusia

Koronabirusa kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude