Bizkaiko metalgintzako lan-hitzarmenak hutsune nabari bat dauka sinaduren artean: sektoreko sindikatu nagusiak, ELAk, ez du bat egin akordioarekin. Bere ezezkoaren arrazoiak eta hemendik aurrerako bideak azaldu ditu.
“Historiko” hitza jarri diote azaroaren 26an CCOO, LAB eta UGT sindikatuek FVEM Bizkaiko metalgintzako patronalarekin sinaturiko aurreakordioari. 2011z geroztik lan-hitzarmenik gabe zeuden 58.000 langileri eragingo die eta patronalak berak asteazken honetan egindako prentsaurrekoan “oso garrantzitsutzat” jo du sinaturikoa, enpresa eta langile guztiei eragin eta “egonkortasun” ekarriko duelakoan.
Alabaina, sinaduren artean ez dago ELA sindikatuarena, Bizkaiko metalgintzan %40ko ordezkaritza duen arren. ELAk azaldu duenez, bere militantziak asanbladan “aho batez” erabaki du akordioa ez sinatzea eta salatu du Lan Harremanen Kontseiluko negoziazio mahaian esertzerakoan, patronala jadanik hitz eginda zegoela gainerako sindikatuekin: “Hasieratik FVEM batasun sindikala apurtzen saiatu da”.
Mikel Etxeberria eta Mikel Bilbao ELAko negoziatzaileen esanetan, batasun hori giltzarri izan da orain arte –greba eta mobilizazio deialdiak tarteko–, eta maiatzaren 10ean gutxieneko aldarrikapenak adostea lortu zuten sindikatuen artean. Baina FVEMekin orain sinaturiko aurreakordioak, bertan behera utzi du plataforma hori.
Euren aburuz, aurreakordioak ez du gutxienetik gora kobratzen duten langileen egoera argitzen. Ez du subrogaziorik ekartzen azpikontrataturiko langileentzat, eta baldintza prekarioenak dituzten aldi baterako langileek ere ez dute aurrerapenik izango. Horrez gain, lanaldi murrizketarik ere ez du jasotzen aurreakordioak ELAren arabera.
Sindikatuko ordezkarien esanetan, horregatik guztiagatik aurreakordio hori “ez da nahikoa” eurentzat, eta orain enpresaz enpresa ekingo diote metalgintzako sektoreko langileen baldintzak hobetzeko borrokari, hitzarmen propioa duten lantegietan jarriko du arreta.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.