Bizkaiko metalgintzan lortutako aurreakordioa "historikoa" dela dio LABek

  • LAB sindikatuak historikotzat jo du Bizkaiko Metalgintzako Hitzarmenean lortutako aurreakordioa eta egindako borrokaren fruitu dela aldarrikatu du.


2019ko azaroaren 27an - 11:07
Bizkaiko metalgintzako langileek 10 greba egun egin dituzte aurreakordioa lortu aurretik (argazkia: LAB).

Astearte honetan sinatu dute Bizkaiko Metalgintzako Hitzarmenaren aurreakordioa, LAB sindikatuak historikotzat jo duena. “Orain arte sektore honetan ez zeuden edukiak lortu ditugu”, adierazi du zentralak publiko egin duen oharrean. Borroka abian jarri zutenean “prekarietatea eta diskriminazioa borrokatzea” jarri zituzten helburu nagusi gisa LABen arabera eta sinatutakoarekin “urrats historikoak” lortu dituztela azaldu dute.

Besteak beste, LABek nabarmendu dituen lorpenen artean dago metalgintza sektoreko mantenuan lan egiten dutenentzat subrogazioa lortu izana. “Euskal Herrian industria eremuko lehen hitzarmena da subrogazioa lortzen duena”, dio sindikatuak prentsa-oharrean.

Aurreakordioaren arabera, Bizkaiko metalgintzako langileen soldatak igo egingo dira: 2019rako Kontsumorako Prezioen Indizearen (KPI) igoeraz gain 1,75ekoa lortu dela nabarmendu du LABek eta datozen bi urteetan KPI gehi 1,5 igoko zaiela jornala sektoreko langileei.

Era berean, emakumeek metalgintza sektorean gizonen aukera berdinak izan ditzaten adostutako aurrerapausoak ere baloratu dituzte: berdintasun batzorde bat sortzeko konpromisoa, enpresetan berdintasun planak, kontratazioetan langilearen sexua ez kontuan hartzea... “Hurrengo urteetan emakumeen presentzia sektore honetan hazten joatea ekarriko dute neurri horiek”, LABen ustez.

Aurreakordioak jasotzen dituen beste lorpen batzuk dira amaitu egiten duela dualitatearekin –lan berdina egiten duten bi langilek baldintza desberdinak edukitzea– eta estatalizazioarekin –Espainiako konbenioak hemen aplikatzea– eta kontratazio zuzena bultzatzea aurreikusten duela, aldi baterako lan enpresen ordez.

LABek nabarmendu du lorpen horiek denak eskuratzeko sektoreko langileek egin dituzten 10 greba egunak. “Beste zortzi greba egun egiteko prest ziren langileak, patronalak gure aldarrikapenak onartu izan ez balitu. Denon artean borroka historikoa egin dugu. Garai berri bat ireki da Bizkaiko Metalgintzan, lan munduan eta jendartean”, irakur daiteke sindikatuaren prentsa oharrean.


Kanal honetatik interesatuko zaizu: Langile borroka
Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude