Etika Batzordea desegitea proposatu du EH Bilduk, "Jaurlaritzaren jarduera zuritzeko baino ez duelako balio”
EH Bildu Koalizioak organo independente bat sortzea proposatu du ate birakariak gelditzeko. "Etika Batzordeak ez du ezertarako balio, Estetika Batzordea da eta Jaurlaritzaren jarduera zuritzeko baino ez du balio”, salatu du Josu Estarrona Elizondo parlamentariak.
Alexander Arriolaren kasuak ekarri du beste behin ere ate birakarien inguruko gaia eztabaida politikora. SPRI agentziako zuzendari izan zen Arriola eta agentziarekin lotura zuen Eurocybcar enpresa pribatura pasa zen. EAEko legeak gutxienez bi urteko tartea eskatzen du lanpostu aldaketa hori egiteko, baina Arriolak egun batetik bestera egin zuen. Kasu horrek hautsak harrotu ditu, eta asteazkenean EH Bilduk legez besteko proposamena aurkeztu du Jaurlaritzari eskatzeko Etika Batzordea desegin dezala. "Ate birakarien azken kasuek agerian utzi dute Etika Batzordeak ez duela ezertarako balio", adierazi du Josu Estarrona Elizondo parlamentariak.
Koalizioak azpimarratu du Etika Batzordea ez dela eraginkorra praktika desegokiak detektatzeko, eta ate birakariei oztopoak jarri beharrean, horiek "legitimatu" egiten dituela. Estarronaren hitzetan, batzorde hori bakarrik baliagarria izan da "Jaurlaritzaren jarduera zuritzeko eta haren erabakiei itxura etikoa emateko". Horregatik, Etika Batzordea baino gehiago, "Estetika Batzordea" dela gaineratu du.
Egungo Batzordearen partez, organo independente bat sortzeko eskatu du EH Bilduk, "jardunbide desegokiak prebenitu, antzeman, ikertu eta ebazteko. Urkulluren Gobernuan zeuzkaten ardura politikoak utzi eta, legeak ezarritako bi urteko epea urratuta, enpresa pribatura pasa diren goi kargu ohien kasuen harira, ondorengo galdera egin du koalizioak: "Nola dakigu enpresa horiek ez dituztela pertsona horiek kontratatu mesederen bat ordaintzeko? Desegokia eta itsusia da, eta plano etikoan, zalantzazkoa”.
Jaurlaritzak kontrolatu behar omen du Jaurlaritza
Jaurlaritzako goi-kargudunek kode etikoa betetzen dutela ziurtatzeko eta kontrolatzeko eskumena du Etika Publikorako Bartzodeak. Bost kidek osatutako taldea da eta horietatik hiruk ardura politikoak dituzte Jaurlaritzan: Lehendakaria Olatz Garamendi da, Jaurlaritzako Gobernantza Publiko eta Autogobernuko Sailburua; idazkaria Jon Iñaki Urbina García de Vicuña da, Jaurlaritzaren Idazkaritzako eta Legebiltzarrarekiko Harremanetarako Zuzendaria; eta Funtzio Publikoko Sailburuorde José María Armentia. Armentiak berak proposatuta batu ziren batzordera beste bi kideak 2022ko urtarrilean. Batetik, Valentziako Jaume I unibertsitateko Filosofia eta Soziologia irakasle Elsa González Esteban, eta bestetik, Fernando Tapia Alberdi, zuzenbidearen Filosofiako irakaslea EHUn. Tapia 2003ko Gipuzkoako Batzar Nagusietarako hauteskundeetan EAJren zerrendan aurkeztu zen eta ondorengo lau urteetan Gizarte eta Erakunde harremanetarako diputatua izan zen.
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]
“Proposamen oso eskasa egin du Hezkuntza Sailak, berme eta zehaztapenak txertatu barik”, kontatu dio ARGIAri STEILASeko bozeramaile Haizea Arbidek. Ostegun honetan bilera izan dute sindikatuek eta Eusko Jaurlaritzako Hezkuntza Sailak, EAEko irakaskuntza publikoko... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Euskadi markak, eraikuntza sektoreko ekonomiaren estrategian, “industrializazioa” mantrarako hitz gisa hartu duela jakinarazi berri du Eusko Jaurlaritzak. Etxebizitza publikoaren eraikuntzan industrializaturiko prozesu eta elementuak lan guztien %65a izatea... [+]
Nazismoaren biktimak izandako euskal herritarrak oroitzeko Eusko Jaurlaritzak egin duen lehen aitorpen instituzionala da. Hego Euskal Herriko 253 pertsona deportatu zituzten 1940 eta 1945 urteen artean. 113 bertan hil ziren eta beste asko, handik bizirik irten baziren ere... [+]
Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko... [+]
EAEko udal legearen euskararen arloko zenbait artikuluren aurkako epaia eman zuen Justizia Auzitegi Nagusiak 2023an, eta orain Gorenak berretsi du. Eusko Jaurlaritzak ez du garaiz aurkeztu epaiaren aurka egin zezakeen helegitea.
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
2 urtera arteko haurrek galarazita dute Debako haur liburutegian egotea, eta 2-6 urtekoek 16:30-17:30 artean baino ezin dute egon. Hogei urtez horrela funtzionatu duen ageriko diskriminazioa buka dadila eskatzeko ama talde bat elkartu denean, ezetz erantzun die udal gobernuak... [+]
'Espetxeak libre' manifestuan adierazi dute Eusko Jaurlaritzak "ataka txarrean" jarri dituela kulturgileak, espetxeetara kultur emanaldiak egitera sartu nahi dutenei dokumentu bat sinatzea eskatzen baitie, eta salatu dute ezin dutela sartu ez sinatuz gero. Kultur... [+]
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.