"Federazio bakoitzari dagokion askatasun eta subiranotasunetik abiatuta", hala nahi dutenak lehendakariak antolatutako agenda horretan sartzea izango litzake helburua, "egungo legezko bideak erabiltzeaz gain, kirol-diplomaziako estrategia berrietan ere oinarrituko dena", esan du.

Lehendakariak adierazi du ofizialtasunaren aldeko lana ez dela soilik administrazioaren ardura. Haren esanetan, herritarren inplikazioa, federazioen ekarpena eta kirolarien babesa ere ezinbestekoak dira. “Ofizialtasuna ez da bakarrik sinadura bat edo lege bat; herri baten borondatearen eta kirolaren bidez nazio gisa agertzeko modua da”. Pradalesen ustez, prozesu hori “elkarlanaren bidez eta urratsez urrats” gauzatu behar da, liskarrak saihestuz eta “aukeren ateak” zabaltzen jarraituz.