EAEko hiru lurraldeak eta hiru hiriburuak itxita asteartetik aurrera
400eko intzidentzia tasa gainditzeagatik perimetralki itxita dauden herrien kopuruak gora egiten jarraitzen du. Iragan astean 50 herri izan dira, asteartetik aurrera 61.
Eusko Jaurlaritzak azken 14 egunetan 100.000 biztanleko 400 kutsatuen intzidentzia tasa berdindu edo gainditu duten herri eta lurraldeen zerrenda eguneratu du, astelehenero legez. Lurraldeetan, Bizkaia batu zaio Gipuzkoa eta Arabari; hiriburuetan, Donostia Gasteiz eta Bilbori. 5.000 biztanle baino gehiagoko 41 hiri edo herri daude itxi behar dutenen zerrendan –iragan astean 29 izan dira–, eta bizilagun gutxiagoko 20.
Itxierak asteartean jarriko dira indarrean, eta astebetez behintzat mantenduko dira, hurrengo astelehenean jaurlaritzak datuak berritu arte.
Itxitako herriak
Araba: Gasteiz, Amurrio, Laudio, Aiara, Aramaio, Bastida, Berantevilla, Laguardia eta Zanbrana.
Bizkaia: Bilbo, Berango, Erandio, Getxo, Leioa, Ondarroa, Portugalete, Sestao, Trapagaran, Otxandio eta Urduña.
Gipuzkoa: Aretxabaleta, Arrasate, Astigarraga, Azkoitia, Azpeitia, Beasain, Deba, Donostia, Eibar, Errenteria, Hernani, Hondarribia, Lasarte-Oria, Lazkao, Legazpi, Lezo, Mutriku, Oiartzun, Oñati, Ordizia, Orio, Pasaia, Tolosa, Urnieta, Urretxu, Villabona, Zarautz, Zumaia, Zumarraga, Aia, Alegia, Anoeta, Ataun, Elduain, Eskoriatza, Gabiria, Getaria, Ibarra, Irura, Itsasondo, Legorreta, Soraluze, Zaldibia, Zestoa eta Zizurkil.
Ostalaritza negozioetako barruko ordutegia are murriztuagoa geratzen da perimetralki itxitako herrietan (06:30etatik 09:30etara eta 13:00etatik 16:30etara). Mugakide diren udalerrietara erosketak edo aire libreko kirola egitera soilik irten daitezke herritarrak. Mugikortasuna librea da arrazoia enplegua izanez gero.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.