COVID-19 fokuaren ostean, Tolosako Asuncion klinika publifikatzeko eskatuko dute larunbat honetan
Azken egunetako koronabirus fokuaren ondoren, Tolosako Asuncion klinikako langileek salatu dute eskualde horretako erreferentziazko osasun zentroa pribatua izateak eragin zuzena izan duela kutsatze-kopuruan. Larunbatean manifestazioa deitu dute, klinikaren publifikazioa eskatzeko.
Koronabirus fokua kontrolatutzat jo du Tolosako Asuncion klinikak eta ostegunean berriz martxan egongo dela iragarri du, baldin eta egoerak egonkor jarraitzen baldin badu. Hori gertatuko balitz, operazio kirurgikoak egiten hasiko dira berriz eta larrialdietara joaten diren pazienteak ez dituzte azken egunetan bezala Bidasoa Ospitalera bideratuko,
Hori bai, neurri gehigarri batzuk hartuko ditu klinikak: ingresatutako pazienteen laguntzaile-kopurua mugatuko da eta gela bakoitzeko gaixo bakarra hartuko dute. Gainera, datozen lau asteetan, zentroko profesionall guztiei PCR testak egingo dizkiete zazpi egunero. Klinikaren arabera, neurri guztiak Eusko Jaurlaritzako Osasun Sailarekin adostu dira.
Nolanahi ere, COVID-19aren fokuak Tolosaldeko klinika honen ahuleziak agerian utzi ditu eta bertan lan egiten duten pertsona batzuek prentsaren aurrean hitz egin zuten astearte honetan: “Ez da kasualitatea hau Asuncionen gertatu izana”, azaldu du Ainhoa Ortizek klinikako langileen izenean. “Beste eskualde batzuetan ez bezala, hemen ospitale pribatu batek ematen du zerbitzua eta horrek zuzenean eragin du”.
Langileek urteak daramatzate lan-baldintzak hobetzeko borrokan, horrek zerbitzuaren kalitateari on egingo liokeela nabarmenduz: “Gutxi gara eta ez gara iristen. Gure partetik dena ematen dugu, baina baliabide pertsonal eta materialen faltak eragin zuzena dauka zerbitzuaren kalitatean”, azaldu du.
Langileen artean positibo kopuru handia agertu da azken egunetan (asteartera arte, 36) eta klinikako sei erabiltzailek ere positibo eman dute PCR testetan. Horren zergatia, Ortizen arabera, honakoa da: ez dutela orain arte maskara egokirik eduki, ezta babes materialik ere. “Lan baldintza txarrak” daude COVID-19aren fokuaren atzean prentsaren aurrean hitz egin duten langileen arabera.
Hori dela-eta, mobilizazioak iragarri dituzte asteburu honetarako. Larunbatean, hilak 17, 12:30ean elkartuko dira Tolosako Plaza Zaharrean “kalitatzeko osasungintza publikoa” eskatzeko. Inma Arroyo erizain eta langileen ordezkariak garbi adierazi du mobilizazio horren helburua: publifikazioa. “Bada garaia, langileok horren alde borrokatzen ari gara”.
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.
Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Bilbo, Donostia eta Gasteizen mobilizazioak egin dituzte larunbatean, Osasungintza Publikoaren Aldeko Herri Plataformek deituta.
“IMQ Institutu Mediko Kirurgikoak Unibertsitateko langileen eskura jartzen du beren osasun-aseguruak prezio merkeagoetan kontratatzeko aukera”. Horrela dio EHU Euskal Herriko Unibertsitate publikoko langileek administraziotik jaso duten mezuak, ARGIAk eskuratu duen... [+]
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Naiz eta El Diario Vasco agerkariek eman dute berria. Eskuratu duten informazioaren arabera, Osasun Sailak plan bat prestatu du ebakuntzetako itxaron zerrendak murrizteko. Bi adar nagusi ditu planak: batetik, ospitale publikoetatik gaixo multzoak bideratuko dituzte ospitale... [+]
Josefina Arregi Klinikaren irekieran Gorka Urtaran jarduneko alkatea ere egon da.
CCOO, UGT, CEOE, CEPYME eta AENCeren arteko akordioa salatu du Nafarroako Osasun plataformak. Akordioaren xedea da gaixoen baimen arruntak mutualitateek kudeatzea.
Mila lagun bildu zituen larunbatean Irunen Osasun Bidasoa plataformak. Bidasoaldeko osasungintza publikoaren "okertze progresiboaren aitzinean" arrapostu bat galdegiten diote Eusko Jaurlaritzari. Osasun zerbitzuen gainbehera, hogei urteotako inbertsio eta aitzinikuspen... [+]
Tolosaldea Osasun Publikoaren Alde plataformak deituta, bi mila lagun atera dira kalera, antolatzaileen arabera. EAEko gainerako eskualdeen pareko osasun zerbitzua aldarrikatu dute. Greban dauden Asunción ospitaleko langileak ere batu dira mobilizaziora.