Itxaron zerrendak murrizteko Urkulluren plana: paziente multzoak ospitale pribatuetara
Naiz eta El Diario Vasco agerkariek eman dute berria. Eskuratu duten informazioaren arabera, Osasun Sailak plan bat prestatu du ebakuntzetako itxaron zerrendak murrizteko. Bi adar nagusi ditu planak: batetik, ospitale publikoetatik gaixo multzoak bideratuko dituzte ospitale pribatuetara, eta bestetik, ospitale publikoetan arratsaldeko txandak beteko dituzte.
Naiz eta El Diario Vasco hedabideek eskuratu duten informazioaren arabera, duela egun batzuk Osakidetzak hainbat ospitaleri gidalerro bat helarazi zien, eta eskatzen zitzaien “[ospitale pribatuetara] bideratu daitezkeen pazienteen kopurua kalkulatzea”, itxaron zerrenda luzeenak dauzkaten espezialitateetan.
Naiz-en arabera, Gipuzkoan adibidez, paziente multzoak ospitale pribatuetara bideratzen ari dira kataratetatik operatzeko, eta aldaka eta belauneko protesiak jartzeko. Espezialitate horietan, ebakuntzak egiteko hiru hilabeteko atzerapena baino gehiago dute. Bidasoako ospitaleak, oftalmologiako pazienteen 150eko zerrenda osatu du eta traumatologiako 50ekoa. Donostiako eta Mendaroko ospitaleek ere, halako zerrendak bideratu dituzte.
Beste ospitale batzuek, paziente multzoak ospitale pribatuetara bideratu beharrean, etxe barruan egin dituzte aldaketak. Gurutzetako ospitalean (Barakaldo) eraginkortasun handiagoz aritzeko plana prestatu dute, eta horretarako, ohikoa baino ebakuntza gehiago programatu dituzte arratsaldeetan. Traumatologian, atzerapen handienetakoa duen espezialitatean, arratsalde bakoitzean ebakuntza bat egitetik lau egitera pasako dira. Ebakuntzak bertan egiteaz gain, San Juan de Dios ospitale pribatura ohikoan baino herritar gehiago bideratuko dituzte. Ospitale horretan Gurutzetako profesionalek egingo dituzte ebakuntzak.
Basurton, berriz, uda aurretik jakinarazi zitzaion Oftalmologia Zerbitzuari kataraten itxaron zerrendaren zati handi bat hiriko ospitale batera bideratuko zutela.
Gasteizko, Txagorritxu eta Santiago ospitaleetan bi eratara lortuko dute itxaron zerrendak murriztea. Batetik, arratsaldean aparteko orduak gehituko dituzte, eta bestetik, zentro pribatuetara joko dute, hainbat urtez halakorik egin gabe egon ondoren.
Eusko Jaurlaritzako lehendakariak, Urkulluk, irailaren 14an, politika orokorreko osoko bilkuran adierazi zuen sei hilabetean pandemia aurreko itxaron zerrenden epeetara itzultzeko plana abiatuko zuela.
Azken hilabeteotan, EAEko biztanleek arazo nagusien zerrendan bigarren tokia eman diote Osakidetzari, Deustobarometroak eta Soziometroak adierazten dutenez.
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Eskualdeko ospitaleko zerbitzua ixtearen ondoren, ez dira Donostiako Ospitalean ere artatzen. Haurren larrialdietako arreta gabezia ere dirau. Lehen mailako arretako pediatria kolapsatuta dago eta ez dago haur-psikiatrarik.
Civio fundazioak salatu duenez, Osakidetzak darabilen AA sistema batek (Quantus Skin) kontratuan agindutakoa baino askoz efikazia gutxiago dauka. 1.6 milioi euroko inbertsioa da, larruazalaren melanoma minbiziak detektatzea du helburu, eta bere emaitzak eskatu zuen %85eko... [+]
Hizkuntzak osasun arretaren kalitatean duen eragina aztertu dute EHEk eta EHUk. Jon Zarate Sesma EHEko kide eta EHUko ikertzaile doktoreak emaitzen xehetasunak eman ditu.
GIB / HIESA kasuak mantendu dira, baina klamidia, gonorrea eta sifilis kasuak bikoiztu dira. "Osasun publikoko arazo" direla ohartarazi du Jaurlaritzako Osasun sailburuak, "gorakada nabarmena" izan baitute.
Iazko udazkenean egin zuten sinadura bilketa, eta abenduaren 12an entregatu zituzten atxikimendu guztiak Osakidetzaren Gasteizko zerbitzu zentraletan.
Sindikatuak adierazi du bi ospitale horietan behin-behinekotasunean daudela langile gehienak, eta ordezkapenak ez direla bermatzen; ondorioz, langileen lan-karga areagotzen dela. Gehitu du larrialdi zerbitzuetan “gainkarga” dagoela.
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]
Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]