Bidasoako osasun zerbitzuen okertzea salatu dute milatik gora herritarrek
Mila lagun bildu zituen larunbatean Irunen Osasun Bidasoa plataformak. Bidasoaldeko osasungintza publikoaren "okertze progresiboaren aitzinean" arrapostu bat galdegiten diote Eusko Jaurlaritzari. Osasun zerbitzuen gainbehera, hogei urteotako inbertsio eta aitzinikuspen faltaren ondorio dela diote.
Hiru hamarkadaz emendatu egin den Irun-Hondarribiko 80.000 biztanleen populazioari ez ezik, Bortzirietako 9.000 herritar eta Hego Lapurdiko 4.000 mugaz gaindiko langileri ere zerbitzu ematera pasa dira leku berririk gabe. Osasun zentro eskasak eta zaharrak, mediku eta espezialista falta, eta horren ondorioz, hilabetetako artatze-zerrendak eta diagnostiko atzerapen larriak gertatzen ari direla salatzen dute. Irungo hirugarren lehen arreta zentroa eraikitzea, eta Bidasoko ospitalea berritzea eta handitzea galdegiten dute.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.
Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Bilbo, Donostia eta Gasteizen mobilizazioak egin dituzte larunbatean, Osasungintza Publikoaren Aldeko Herri Plataformek deituta.