Lehen Mailako Arreta, “kolapsora” bidean
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Kalitatezko osasun publikoa sustatzeko Nafarroako Osasun Plataformako kideak Nafarroako Osasun kontseilariarekin bildu dira. Plataformako kideek nabarmendu dute osasun arloko langileen egonkortasuna bilatu, Landa Eremuko Larrialdi Zerbitzuak berregituratu eta Lehen Mailako Arreta sustatu behar direla: "Kolapsora bideratzen ari dira Lehen Mailako Arreta".
Plataformako kideek salatu dutenez, osasun aseguru pribatu bat duten biztanle kopurua %5 izatetik %10 izatera pasa da azken hamar urteetan: "Sektore publikoaren pertzepzio okerrak eta osasun publikoaren gainbeherak sektore pribatua indartzen dute". Horregatik, nabarmendu dute beharrezkoa dela kalitatezko Lehen Mailako Arreta eskaintzea: "Hamarkadak daramatzagu salatzen baliabide faltarengatik Lehen mailako Arreta gainbeheran doala".
Gaineratu dute osasun etxeetan hautematen dituzten ondoezen %40 tratamendu mediku-kirurgikoen bidez tratatzen dituztela, eta gainerakoak "gertutasunetik" eta egoera soziala kontuan hartuta lantzen dituztela: "Egoera sozialak; hala nola desberdintasun sozialek, lan egoerak, pobrezia energetikoak eta bestek osasunean ondorio zuzenak dituzte, eta osasun etxeak dira hori lantzeko biztanleekin harreman zuzena dutenak".
"Helburua da gizartearekin dugun harreman zuzena berreskuratzea eta orain arte egin diren lanak indartzea; hala nola prebentzioa, lan komunitarioa, prozesu kronikoen jarraipena eta beste"
"Nahitaezko" aldaketak
Horregatik, uste dute osasun sistema indartzeko Lehen Mailako Arretan "nahitaezko" aldaketak egin behar direla; adibidez, gizarte langileekin elkarlana indartu; erizainei garrantzi handiagoa eman, psikologoen eta fisioterapeuten presentzia handitu eta hitzorduen %80 aurrez aurrekoa izatea lortu. "Helburua da gizartearekin dugun harreman zuzena berreskuratzea eta orain arte egin diren lanak indartzea; hala nola prebentzioa, lan komunitarioa, prozesu kronikoen jarraipena eta beste", nabarmendu dute plataformako kideek.
Azkenik, "kalitatezko osasun publikoa" sortzeko sei urrats bete behar direla diote: osasun publikoa eta Lehen Mailako Arreta indartu; hitzarmen pribatuak eten; langileen egonkortasuna bermatu; zaharrei arreta emateko eredu publikoa sustatu; osasun arreta mentala berrantolatu eta indartu; eta Osasunari buruzko Foru Lege berri bat sortu.
Irailetik mediku euskaldunik gabe daude Elizondoko (Nafarroa) herritarrak. Horrez gain, udan medikurik gabe geratzearen beldur da Baztango Osasun Plataforma. Ekainaren 4an, bizikleta martxa egingo dute herrian.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Astelehenean abiatu da sindikatuak deitutako greba eta apirilaren 6 arte luzatuko da. Lan-gainkarga salatu eta baldintzak hobetzeko eskatu dute, baita mediku egoiliarrei karrera profesionala aitortzea ere.
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Jendez lepo egoten direnez larrialdiak, lau ordu inguruko itxaronaldiak daude “larrialdi gutxiko” egoeretan.
Urtarriletik hona ia 13.500 pertsonek egin dute proba Nafarroan, eta proba egin dutenen %95ak etxean egin du.
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Horixe da Javier Remirez Nafarroako Gobernuko lehendakariorde eta Funtzio Publikoko kontseilariak iragarri duena, LABek eta Ustelkeriaren Aurkako eta Jardunbide Egokien Bulegoak egindako salaketen ondoren.