CDRen ekintza batean atxilotutako hamahirurentzat kartzela eskatu du fiskaltzak
Iragan otsailaren 23an, 1981eko Espainiako estatu kolpe saiakeraren urtemugan, Kataluniako Auzitegi Nagusiko sarrera sinbolikoki blokeatzeagatik atxilotu zituzten auzipetuak. Fiskaltzak bi urte eta erdi arteko kartzela zigorrak eskatzen dizkie.
CDRek (Errepublikaren Defentsarako Komiteak) deitutako ekintza sorpresaren baitan hamalau pertsona atxilotu zituzten Mossoek otsailaren 23an. “Ixilik nahi gaituzte, baina batera erantzungo dugu” lelopean, 150 pertsona inguruk Kataluniako Auzitegi Nagusiko sarrera blokeatu zuten, independentismoaren kontrako prozesu judizialak eta hainbat ekintzaile, ikasle, irakasle eta rapeatzailek jasandako errepresioa salatzeko. Atxilotuak espetxeratu egin zituzten, baina deklaraziorik ez egiteko eskubidearen erabilera egin ostean, baldintzapean aske utzi zituzten.
Auzia bideratzen duen Bartzelonako 31. Instrukzio-epaitegiak egindako jakinarazpen ofizialak, baina, gertakarien gaineko ahozko epaiketa zabalduko dela ohartarazi du. Alerta Solidaria errepresioaren aurkako plataformak jakinarazi duenez, ostegunean jasotako jakinarazpenaren arabera, fiskaltzak bi delitu leporatzen die auzipetuei: desordena delitua batetik, eta desobedientzia eta erresistentzia larria delitua bestetik. Plataformaren arabera, “auzitaratze berri hau orain PSC eta PSOEren agindupean dagoen fiskaltza berriak espreski egindako eskaeragatik eman da”. Hamaika auzipetuk bi urte eta erdiko kartzela zigor eskakizunei aurre egin beharko diete, desordena delituengatik. Beste biek, ostera, urtebeteko kartzela zigorrari egin beharko diete aurre, desobedientzia eta erresistentzia larria delituagatik.
Adrian Carrascoren agerpena, ostegunean
VilaWebek jakinarazi duenez, Adrià Carrasco Esplugueseko (Katalunia) CDRko kide erbesteratuak irailaren 6an egingo du agerpena Bruselan (Belgika). Guardia Zibilarengandik ihes egitea lortu zuen apirilaren 10ean, Tamara Carrasco atxilotu zuten egunean Adrià atxilotzeko agindua ere emana baitzuen Espainiako Auzitegi Nazionalak. Ordutik Espainiako Poliziak bere bila dirau, terrorismoa, matxinada eta sedizioa leporatuta.
Christopher Marchand abokatua ondoan duela egingo du prentsaurrekoa. Valtònyc-en, erberteratutako kontseilarien eta Puigdemonten defentsa daraman talde berbera dauka bere kasuaren atzean Carrascok ere.
La Directak argitara emandako Ezker Independentistako eta CDRetako 38 militanteren espioitza masiboa zertan den argitu asmoz, errepresioaren aurkako Alerta Solidària antolakundeak Espainiako Auzitegi Nazionalera jo du. Pertsonatze idazkia aurkeztu du, espioitza... [+]
Espainiako Barne Ministerioak Ezker Independentistako eta CDRetako 38 militante zelatatu dituela jakinarazi zuen urriaren 10ean Directak. Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu,... [+]
Directa hedabideak eman du argitara espioitza masiboa: Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu, eta besteak beste kaleko jarraipena ere egin die hainbat militanteri. 2017ko... [+]
El Confidencial egunkariak argitaratu ditu akusazioaren idatziko edukiak. Erakunde terroristako kide izateaz gain lehergaiak egitea eta gordetzea ere egozten diete 2019ko irailean atxilotutako CDRetako bederatzi kideei.
Kazetaria eta analista politikoa da Sara González (Sant Celoni, Katalunia, 1985). Disidentziaren kriminalizazioa agerian jarri du argitaratu berri duen Per raó d’Estat (Estatu arrazoiagatik) liburuan, Espainiako Estatuko estolden egitura politiko, polizial,... [+]