Bi aldeen arteko tentsioa baretzeko balio duen bilera

  • Kataluniarekiko “gatazka” bat dagoela onartu dio Sanchezek Torrari atzo egindako bileran. Negoziaziorako bidea ireki dute. Independentistek hainbat ekintza antolatu dituzte gaurko, Bartzelonan egingo den Ministroen Kontseilua arbuiatzeko.

Gorka Peņagarikano @gorkap34
2018ko abenduaren 21a

Batak bestearen beharra duela argi geratu da azken asteotan. Gainera zetorkien ekaitza baretu asmoz bildu ziren atzo Bartzelonan Pedro Sanchez eta Quim Torra, Espainiako eta Kataluniako Gobernuen arteko negoziazioa mahai-gaineratzeko. Andaluzian sozialistek jasotako kolpeak bazterrak nahasi ditu Espainiako Estatu osoan, baita euren barnean ere. Estatuko aurrekontuak onartzeke daude oraindik, eta PSOEk badaki PDeCAT Alderdi Demokrata Europar Katalanaren eta ERC Esquerra Republicanaren bozak behar dituela. Generalitateak, aldiz, lehenik Espainiako Gobernuak Kataluniarekiko duen jarrera aldatzea nahi du.

Sei lagun bildu ziren Bartzelonako Pedralbes jauregian atzo iluntzean; hiruna alde bakoitzetik. Quim Torra presidenteaz gain, Pere Aragones presidenteordeak eta Elsa Artadi Generalitateko ekonomialariak hartu zuten parte. Espainiako Gobernuaren aldetik, bestalde, Pedro Sanchez presidentea, Carmen Calvo presidenteordea eta Meritxell Batet Lurralde Politikoa ministroa izan ziren bertan. Azken honek egin zituen adierazpenak prentsan: “Ez dugu 155. artikuluari buruz hitz egin, ezta autodeterminazio eskubideari buruz ere, ez baitute edukiko”.

Bi aldeek zabaldutako komunikatuak argi islatzen du: ez zen batasunik egon. Ez zituzten egoerak ikuspuntu eta hitz berekin azaldu. Dena dela, biek ala biek adierazi zuten Kataluniarekiko “gatazka” bat dagoela, eta horren jatorrian bat etorri ez arren, “konponbide” bat aurkitu behar zaiola. Urtarrilean berriz bilduko direla esan zuten: Generalitatearen aburuz “soluzio demokratiko” bat emateko, eta Espainiako Gobernuaren hitzetan, “segurtasuneko eta legezko marko juridiko baten barruko erantzun” bat aurkitzeko.

A21, ez nolanahiko eguna

Bileraren biharamunean ez da giro Bartzelonan. Probokaziotzat jotzen dute independentistek Espainiako Ministroen Kontseilua bertan biltzea. Goizeko lehen orduetatik ANCk dei egin die subiranistei trafikoa kolapsatzeko –goizeko zazpiak aldera, AP-7 eta A-2 geratu dituzte–, eta ondoren, ERC, JxCat eta CUPek antolatuta, “herriaren kontseilu bateratua” egingo dute Ministroen Kontseilua bilduko den Llotja de Mar egoitzaren alboan.

CDRek ez dute bat egin. Egoitza blokeatzeko dei egin dute, “kaleak hartu eta barrikada egiteko”. Arratsaldeko manifestazio bateratuan, aldiz, denek hartuko dute parte.

Bestalde, karga poliziala ez da nolanahikoa izango. La Directa aldizkariak jakitera eman duenez, istiluen aurkako 1.400 mosso baino gehiago egongo dira Katalunia osoan, eta Espainiako poliziak beste 750 eraman ditu. Horrez gain, 500 Guardia Zibil inguru ere lanean arituko dira. CDRek adierazi dute ez dutela ahazten abenduaren 6an Gironan eta Terrassan mossoek izan zuten jarrera.

Amaitu dute gose greba

Generalitateko azken bost presidenteek hala eskatuta, amaitutzat eman dute gose greba Jordi Turull, Jordi Sanchez, Josep Rull eta Joaquim Forn preso politiko katalanek. Aurreneko biek 20 egun zeramatzaten, eta beste biek 17. Haien bozeramaile Pilar Calvok adierazi duenez, “helburuak” bete ditu protestak, “astindu beharreko kontzientzia guztiak” astindu direla esanaz. Presoek independentista katalanei, gaurko egunez kalera ateratzeko eta protesta zein ekintzetan parte hartzeko eskatu diete.

 

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Katalunia independentziarantz kanaletik interesatuko zaizu...
2019-01-23 | ARGIA
Independentisten arteko ika-mika Katalunian: Puigdemontek Konstituzionalean Torrenten aurka egin du

Urak nahasita datoz Katalunian: Carles Puigdemontek, atzerriratutako Generalitateko presidenteak, errekurtsoa jarri du Roger Torrent Kataluniako parlamentuko lehendakariaren kontra Espainiako Auzitegi Konstituzionalean, parlamentuko mahaiak boto delegaturako aukera ukatu diolako.


Herri harresia egin zuten Gironako Unibertsitatean atxiloketa gehiago saihesteko

16 lagun atxilotu ditu Espainiako Poliziak aste honetan, 2017ko urriaren 1eko erreferendumaren urteurrenean egindako ekintzekin lotuta. Mobilizazioak eta protestak egin dituzte asteazkenean Gironan.


Carles Puigdemont i Casamajó
"Gutxietsi egin genuen Espainiaren izaera autoritarioa"

Hamabi urte joan dira azkenekoz berarekin izan ginenetik. Belgikako Waterloora bidean irudi asko datozkigu burura arrapaladan: Puigdemont kazetaria, prozesuaren ilusio, indar eta etsipenekoak, Corrandes d’exili haren oihartzun mingotsak –“ez naiz herriminez hilko, herriminez biziko naiz”–, Espainiaren mendekua… Wellingtonek Napoleon garaitu zuen zelai haien ondoan ireki zaizkigu Kataluniako Etxearen ateak eta Kataluniako Gobernuko lehendakariak beso zabalik... [+]


2019-01-09 | Uriola.eus
Jordi Borrās fotokazetaria Bilbon izango da 'Dies que duraran anys' liburua aurkezten

Hurrengo larunbatean, urtarrilaren 12an, Alternatibak Bilboko Hika Ateneora eramango du Jordi Borràs fotokazetariaren Dies que duraran anys (Urteetan iraungo duten egunak, Ara Llibres, 2018) liburuaren aurkezpena.


2019-01-03 | Iņigo Igartua
Jordi Sánchez: "Erronka berriei aurre egiteko urriaren 1eko batasuna beharrezkoa da"

Independentismoaren batasunerako deia egin du eta "polemika antzuak" saihestu nahi ditu.


2018-12-28 | Igor Susaeta
Desobedientziagatik auzipetutako seiak Katalunian epaituko dituzte

Prozesu subirano zalearen aurkako epaiketa “arintzeko” banatu du kausa Auzitegi Gorenak. Defentsen argudioak baztertuta, Gorenak berretsi du berari dagokiola matxinadagatik auzipetutakoak epaitzea.


2018-12-23 | Oier Zeberio
A-21eko independentisten mobilizazioak Bartzelonan
Katalunia, estrategia aldaketaren lekuko?

Asko ziren aurreko astean ostiralean Katalunian konfrontazio politikoko garai berri hasiko zela uste zutenak. Zenbait sektoretan (ezker independentistako taldeetan), tentsio egoera soma zitekeen, eta azken urteetan Bartzelonan bizi izan den egunik gogorrena bizitzeko esperantza eta beldurra aurrikusten ziren. Militantzia esparrutik kanpoko pertsona askok ere, zerbait berria, erradikalagoa eta zentzu batean behintzat bortitzagoa zetorrela uste zuten. Tentsioa nabaria zen.


2018-12-20 | Iņigo Igartua
Carles Riera: "Estatuak indarkeriaz jokatzen badu, desobedientzia zibilarekin eta mobilizazio jendetsuarekin erantzungo dugu"

Carles Riera CUPeko diputatuak abenduaren 21ean Bartzelonan egingo den Ministro Kontseilua izan du hizpide besteak beste, Kaos en la red atari digitalean egin dioten elkarrizketan. Pasarte batzuk euskaratu ditugu.


Independentistek batera egingo diote aurre Espainiako Ministroen Kontseiluari Bartzelonan

Espainiako Ministroen Kontseilua Bartzelonan bilduko da abenduaren 21ean. Manifestazio “masiboa” deitu dute independentistek, eta egun berean Pedro Sanchezek Quim Torrari biltzeko eskatu dio Kataluniako hiriburuan.


2018-12-10 | Iņigo Igartua
Bi eguneko barauarekin Quim Torra presidenteak bat egin du preso gose grebalariekin

Quim Torra Generalitateko presidenteak 48 orduko baraualdia hasi du igandean Kataluniako lau buruzagi independentisten gose grebarekin elkartasuna adierazteko, Kataluniako Generalitateak iragarri duenez.


Azkenak
EGILEA
Eguneraketa berriak daude