ARGIA.eus

2020ko irailaren 20a

CDRetako azken bi presoak fidantzapean aske utzi ditu Auzitegi Nazionalak

  • Jordi Ros eta Germinal Tomas aske utzi ditu Espainiako Auzitegi Nazionalak, fidantzapean. Kartzelan geratzen ziren CDRetako azken bi kideak dira.

Axier Lopez @axierL
2020ko urtarrilaren 10a
"Ni naiz CDR", atxilotuen askatasuna eskatzeko elkartasun ekimenetako bat. Argazkia: ACN

Espainiako Auzitegi Nazionaleko Manuel Garcia Castellon epaileak 30.000 eta 15.000 euroko fidantza ezarri die, hurrenez hurren. Guardia Zibilak abiatutako kasuaren akusazioaren arabera, Ros eta Tomas lehergailuak sortzeko arduradunak ziren. Judes operazioaren barruan ikertutako CDRetako bederatzi lagunei erakunde terroristako kide izatea, lehergailuak egitea eta edukitzea eta konspiratzea leporatu dizkiete.

Kautela-neurriak ezarri dizkio epaileak: hala nola astero etxetik hurbilen dagoen auzitegian agertzea, Espainiako Estatutik irteteko debekua eta pasaportea kentzea, besteak beste.

"Ordena publikoa aztoratzea" leporatu eta "Islam bortitzarekin" alderatu baditu ere, aske utzi ditu Manuel García Castellón epaileak, bi kideek etxea, familia, lana eta "inguruan finkatutako sare sozial eta familiarra" dituztela kontuan hartuz.

Beste bostak abenduan libre

Terrorismoa leporatuta atxilotu eta espetxeratu zituzten CDRetako beste bost kideak abenduan atera ziren Soto del Real-etik. Haiei 5.000 eta 10.000 euro arteko fidantzak ezarri zizkien Auzitegi Nazionalak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: CDRak

CDRak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude