Merda de partits (alderdi nazkanteak) izeneko kanpaina abiatu dute CDR Errepublikaren Defentsarako Batzordeek, “herriaren borondatearen” aurka jarduten ari direla argudiatuz.
PDeCAT eta ERC Kataluniako alderdi soberanisten Terrassa, Balaguer eta Tarragonako egoitzetan simaurra eta zaborra bota dituzte igande gauean, independentzia gauzatzeko borondate eza salatzeko. Twitter bidez salatu dute Quim Torraren gobernua independentzia gauzatzeko lan egiten ari ez dela, eta gehitu dute joan den asteko atxiloketen erantzuleak direla.
“Ez duzue independentzia gauzatzeko lanik egiten. Ekintzaileak atxilotzen dituzue. 155arekin akordioak egiten dituzue. Herriaren bozak gutxiesten dituzue. Herriak agintzen du eta Govern-ak esana betetzen du, argi?”, esan dute.
Simaurra eta zaborra botatzeaz gain, hainbat kartel eta mezu utzi dituzte egoitzetan, gaur egungo egoera salatzeko. Merda de partits (alderdi nazkanteak), merda de pactes (itun nazkanteak) eta aquesta terra no perdona a traïdors (herri honek ez ditu traidoreak barkatzen). “Herriaren borondatea alde batera uzten baduzue, U1-a kolektiboki egin genuela ahazten baduzue, protestak kriminalizatzen badituzue, 155-arekin itunak sinatzen badituzue, Kataluniako Errepublika aldarrikatzen ez baduzue, aurrean izango gaituzue”, gehitu dute batzordeek.
💩 #MERDAdePARTITS 💩
Els partits que us dieu independentistes:
❌ No treballeu per fer efectiva la independència.
❌ Deteniu activistes
❌ Pacteu amb el 155
❌ Menysteniu els vots del poble
El poble mana i el Govern obeeix. Ho teniu clar?#IndependenciaJa #CDRenXarxa pic.twitter.com/yS8dP04ymH
— CDR Catalunya (@CDRCatOficial) August 5, 2019
La Directak argitara emandako Ezker Independentistako eta CDRetako 38 militanteren espioitza masiboa zertan den argitu asmoz, errepresioaren aurkako Alerta Solidària antolakundeak Espainiako Auzitegi Nazionalera jo du. Pertsonatze idazkia aurkeztu du, espioitza... [+]
Espainiako Barne Ministerioak Ezker Independentistako eta CDRetako 38 militante zelatatu dituela jakinarazi zuen urriaren 10ean Directak. Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu,... [+]
Directa hedabideak eman du argitara espioitza masiboa: Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu, eta besteak beste kaleko jarraipena ere egin die hainbat militanteri. 2017ko... [+]
El Confidencial egunkariak argitaratu ditu akusazioaren idatziko edukiak. Erakunde terroristako kide izateaz gain lehergaiak egitea eta gordetzea ere egozten diete 2019ko irailean atxilotutako CDRetako bederatzi kideei.
Kazetaria eta analista politikoa da Sara González (Sant Celoni, Katalunia, 1985). Disidentziaren kriminalizazioa agerian jarri du argitaratu berri duen Per raó d’Estat (Estatu arrazoiagatik) liburuan, Espainiako Estatuko estolden egitura politiko, polizial,... [+]