2019an atxilotutako CDRetako kideei erakunde terroristako kide izatea egotzi die Espainiko fiskaltzak
El Confidencial egunkariak argitaratu ditu akusazioaren idatziko edukiak. Erakunde terroristako kide izateaz gain lehergaiak egitea eta gordetzea ere egozten diete 2019ko irailean atxilotutako CDRetako bederatzi kideei.
2019ko irailaren 23an Guardia Zibilak aurrera eramandako "Judas Operazioan" atxilotutako bederatzi katalanen aurkako auziaren instrukzioa bukatzen ari da eta Espainiako Auzitegi Nazionaleko Fiskaltzak aurkeztu du dagoeneko akusazioaren idazkia. Auzitegi Nazionala "terrorismo" akusaziopean ikertzen ari zen CDRetako kideak fidantzapean aske utzi zituzten atxiloketetatik hilabete gutxiren buruan.
Defentsako abokatuek epaitegiaren sumariora sarbidea izan zuten unetik salatu zuten akusazioaren eta bildutako frogen artean kontraesanak zeudela, eta atxilotutakoen familiek ere defentsarako eskubidea urratzen zuten irregulartasunak salatu zituzten.
Ostiralean prentsak zabaldu duenez, CDRetako bederatzi kideei erakunde terroristako kide izatea eta lehergaiak egitea eta gordetzea egozten die Espainiako fiskaltzak. Epaitegiari emandako idazkian jasotzen denez, buruzagi independentisten aurkako sententziari erantzunez atentatuak eta sabotajeak egiteko asmoa zuten, eta baita parlamentuari eraso egitekoa ere.
Fiskalaren iritziz, frogatuta geratzen da CDRekiko paraleloa zen erakunde terroristak “Kataluniaren independentzia lortu nahi zuela, horretarako indarkeria bere espresiorik gorenean erabiliz”.
Auzipetuen defentsaz arduratzen den Alerta Solidària erakunde antierrepresiboak sare sozialetan adierazi duenez, fiskaltzaren akusazioa ez da sorpresaz heldu, “inposatu nahi diguten errelatoaren jarraipena” baita.
La Directak argitara emandako Ezker Independentistako eta CDRetako 38 militanteren espioitza masiboa zertan den argitu asmoz, errepresioaren aurkako Alerta Solidària antolakundeak Espainiako Auzitegi Nazionalera jo du. Pertsonatze idazkia aurkeztu du, espioitza... [+]
Espainiako Barne Ministerioak Ezker Independentistako eta CDRetako 38 militante zelatatu dituela jakinarazi zuen urriaren 10ean Directak. Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu,... [+]
Directa hedabideak eman du argitara espioitza masiboa: Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu, eta besteak beste kaleko jarraipena ere egin die hainbat militanteri. 2017ko... [+]
Kazetaria eta analista politikoa da Sara González (Sant Celoni, Katalunia, 1985). Disidentziaren kriminalizazioa agerian jarri du argitaratu berri duen Per raó d’Estat (Estatu arrazoiagatik) liburuan, Espainiako Estatuko estolden egitura politiko, polizial,... [+]
Ekainaren 30ean Instrukzioko 6. Epaitegiak deklaratzera deitu ditu iazko irailaren 23an Judas operaziotik ordu gutxira aske geratu ziren Clara Borrero eta David Budria, Alerta Solidària erakunde antierrepresiboaren arabera. Abendutik urtarrilera bitartean, zazpi... [+]