ARGIA.eus

2022ko ekainaren 28a

Bechdel testa, fikzioan genero-desbideratzeak neurtzeko tresna

  • Merezi du gaiak leku bat, martxoaren 8an tankerakoak mainstream bihurtu eta martxoaren 9an berriz ere mapatik erabat desagertu baino lehen: ezagutzen duzue Bechdel Testa?

Alison Bechdel komikigilea.
2013ko martxoaren 07a

Diagonaleko artikulu bati esker izan nuen haren berri. Fikziozko lanetan genero desbideratzeak neurtzeko balio duen hiru puntuko galdetegi sinple-sinplea da.

1) Istorioan agertzen al dira bi emakume gutxienez? (Rol esanguratsuren bat dutenak, izena eta abar).

2) Hitz egiten al dute emakumeek elkarrekin?

3) Solasaldian, gizon bat ez den zerbaiti buruz ari al dira?

Testa pasatzeko hiru galderen erantzunak “bai” izan behar du. Erraza beharko luke, ezta? Ba, azkeneko Oscar sarietan film onenaren saria irabaz zezaketen gehienek ez zuten pasa.

Testaren sortzaileak, Alison Bechdel komikigileak –hitz egin genuen berak idatzitako Fun Homeri buruz–, honela azaldu zuen zerk eraman zuen galdetegia sortzera:

“Arraroa zen pentsatzea fikzioan agertu diren emakume handi horiek denak, Jane Austen arte, beste sexuaren bidez ikusiak izan zirela; ez hori bakarrik, beste sexuarenganako harremanean bakarrik ikusi zituzten. Eta hori emakume baten bizitzako oso zati txikia da”.

Testak baditu gabeziak noski: galbahea pasatzen duten lanek ez dute zertan ez-sexista izan. Eta posible da lan batzuek testa ez pasatzea, istorioaren ezaugarriengatik –Charles Strossek seinalatu zuen Umberto Ecoren Arrosaren izenak erdi aroko monasterio batean kokaturik dagoelako ez duela gainditzen–.

Edonola, tresna baliagarria da gure imaginario kolektiboa eraikitzen duten produktu kulturalak genero ikuspegitik aztertzeko. Zineman, komikietan eta bideo-jokoetan aplikatzen dituzten webguneak badaude. Animatuko al da norbait euskal literaturarekin?

[Artikulu hau Boligrafo Gorria blogean argitaratu da. Kulturari buruzko kontu gehiago topatuko duzu bertan].

Kanal hauetan artxibatua: Feminismoa  |  Zinema  |  Feminismoa  |  Komikia

Feminismoa kanaletik interesatuko zaizu...
2022-06-27 | ARGIA
Euskal LGTBI+ Behatokiak eskatu du lege integral bat eratzeko EAEn

Eusko Legebiltzarrari eta EAEko LGTBI+ elkarteei proposatu die elkarrekin mahai bat osatu eta legea egiteko. Helburua da kolektiboko pertsonen eskubideek “estalki” bat izatea eta diskriminaziotik babestea, besteak beste.


Ikusgune LGTBI+fobiaren aurkako behatokia saritu du EHGAM-ek

EHGAM Euskal Herriko Gay-Les Askapen Mugimenduak 20 urtetik gora daramatza Urrezko Hirukia eta Trapuzko Espartina banatzen, sexu askapenaren aldeko lana saritzeko lehena, eta sexu askapenaren aurkakotasunak seinalatzeko bigarrena. Ekainaren 24an banatu dituzte aurtengo sariak,... [+]


"Estatuak ez luke arautu behar familiak nolakoa izan behar duen, askotariko ereduak babestu baizik"

Gizon ez-heterosexualen aitatasun desira ikertu du Borja Muñoz Arrastia sexologoak. Familia nuklearraren eredu hertsia errepikatu baino, umeak hazteko alternatiba komunitarioak sendotzea aldarrikatu du EHGAMeko kideak.


2022-06-24 | ARGIA
AEBetako Auzitegi Gorenak abortatzeko eskubide konstituzionala atzera bota du

Mississippi estatuko abortuaren aurkako lege baten aldeko epaia eman du AEBetako Auzitegi Gorenak. Aldi berean, abortatzeko eskubide konstituzionala arautzen zuen Roe v. Wade aurrekaria bertan behera utzi du auzitegiak, estatu bakoitzaren esku utziz erabakimena.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude