Asteburu honetan hasiko da Bardoak, Nafarroako taldekako bertso txapelketa
Datorren ostiralean, hilaren 7an, Bardoak Nafarroako taldekako bertso txapelketaren bigarren edizioa hasiko da Lesakan. Apirilaren 12ko finala bitarte, mota guztietako 23 saio izango dira ikusgai Nafarroako hainbat txokotan.
Ekimena indartsu dator, duela bi urteko edizioan baino bertsolari gehiago aterako baitira Nafarroako plazetara. 16 taldek hartuko dute parte, guztira 110 parte-hartzailerekin. Taldeak bertsolari esperientziadunek zein hasi berriek, aurkezleek eta ordezkariek osatuko dituzte.
Bardoak ekimen berezia da. Taldekako txapelketa bada ere, lehia ez da proiektu honen helburu nagusia, bertsozaleen harrobia berritzea eta bertsolaritza beste modu batean landu eta disfrutatzeko aukera ematea baizik, bertsolaritza gozamen gisa eskainiz.
Hamasei taldeek bost ligaxkatan banatuta ekingo diote lehen faseari. Horietatik seik egingo dute aurrera bigarren fasean eta apirilaren 12an Lesakan jokatuko den final handirako hiru talde baino ez dira sailkatuko.
Saioak
Elkarte girokoak izango dira, hurbilak eta kalitatezkoak. Bazkari, merendu, afari edo bestelako ekitaldiekin osatuko dira. Nafarroa osoko elkarte, gaztetxe eta ostatuetan egingo dira saio horiek: Lesaka, Zubieta, Erratzu, Otsagabia, Leitza, Arbizu, Iruñea, Bera eta Gaintza herrietara bertaratuko dira bertsolariak lehenengo fasean.
Finala
Lesakako frontoian jokatuko da eta arratsaldeko saioa izango bada ere, Bardoak 2014ko finalak lehiaz haratago dagoen bertsolaritzaren festa izaten jarraitu nahi du, apirilaren 12a egun osoko besta eguna bilakatuko da, duela bi urte Leitzan lehen edizioan gertatu zen bezala.
Informazio gehiago
Bardoak 2014ko informazio osoa eta eguneratuta Bertsozale webgunearen barruan sortu den atalean egonen da. Bertsoa.com atarian ere saioetako bideoak izanen dira ikusgai.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Maiatzaren 8an hasiko da Bizkaiko Bertsolari Txapelketako sailkapen fasea. Zortzi saio bikoitz jokatuko dira maiatzeko eguenetan. Sarrerak eskuragai daude bertsosarrerak.eus atarian.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]