Nafarroa Arenan jokatuko da Nafarroako Bertsolari Txapelketako finala, azaroaren 29an
“Urrats kuantitatibo eta kualitatiboa” eman du antolakuntzak, finala lekuz aldatuko du, inoizko finalik “handiena” egiteko. Zortzi saiok osatuko dute txapelketa. Sarrerak udazkenean jarriko dituzte salgai.
aurre egingo dieten hedabide independenteak
Nafarroako Bertsolari Txapelketa aurkeztu berri du Nafarroako Bertsozale Elkarteak. Aurtengo udazkenean jokatuko da, urriaren 4an Auritzen hasi eta azaroaren 29an Nafarroa Arenako final handian amaitu arte. Datak dagoeneko publiko badira ere, sarrerak irailean jarriko dituzte salgai, txapelketaren aurkezpen jaiarekin batera.
Aurtengo txapelketak urrats bat aurrera emateko aukera eman dio Nafarroako Bertsozale Elkarteari. Herrialdean bertsolaritza gorakada izaten ari da, hori dio antolakuntzak, eta horrek bultzatuta erabaki dute salto “kuantitatibo eta kualitatiboa” ematea. Izan ere, lehen aldiz finala Nafarroa Arenan jokatuko da, eta horrek aukera emango die “txapelketak izan duen finalik handiena” egiteko, bai ikusle aldetik, baita baliabide aldetik ere.
2023ko parte hartzaile kopuru bera izango du txapelketak irailetik aurrera: 24 bertsolari. Maiatzean jokatu dira udazkenerako sailkatzeko saioak, eta horietan 30 bertsolari aritu dira. Sailkapena lortu duten 24 bertsolari horiek lehen faseko lau saiotan jokatuko dute sailkapena, eta horietatik hamazortzi bertsolari sailkatuko dira finalaurrekoetara: hiru saio izango dira fase horretan. Finalera, ohiko legez, zortzi bertsolari pasatuko dira.
Antolakutzak parte hartzaileen arteko aniztasuna azpimarratu du. Izan ere, txapelketan parte hartuko dute Kattin Madariagak, 2025eko Nafarroako eskolarteko txapelketako txapeldunak, baina baita txapelketan urte luzez aritutako bertsolariak ere, tartean hiru txapeldun: Julen Zelaieta, Julio Soto eta Saioa Alkaiza.
Zortzi herri hauetan jokatuko dira Nafarroako Bertsolari Txapelketako saioak:
Urriak 4, Auritz - Auritzeko Kultur Etxea
Urriak 11, Mutiloa – Arangurengo Kultur Etxea
Urriak 18, Irurita – Gizarte Bilgunea
Urriak 26, Los Arcos – Kultur Etxea
Azaroak 1, Agoitz – Agoitzeko Kultur Etxea
Azaroak 8, Leitza – Leitzako Herri Aretoa
Azaroak 16, Tafalla – Tafallako Kulturgunea
Azaroak 29, Iruñea – Nafarroa Arena
Ekainaren 12an, 64 urte zituela hil zen Tomasita Quiala Kubako izar handia. Azkeneko aldiz, 2018an etorri zen Tomasita Quiala repentista Euskal Herrira, Bertsozale Elkarteak antolatutako inprobisazioaren nazioarteko topaketa batzuen bidez. Dena hartzen zuen gogoan eta denari... [+]
Lau urtero hiru txapelketa jokatzen ari da Oihana Bartra Arenas azken hogei urteetan. Bertsolaritza lehia baino gehiago dela jakitun da, baina lehia uzteak ekar lezakeen amildegiak beldurra ematen dio.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Maiatzaren 8an hasiko da Bizkaiko Bertsolari Txapelketako sailkapen fasea. Zortzi saio bikoitz jokatuko dira maiatzeko eguenetan. Sarrerak eskuragai daude bertsosarrerak.eus atarian.
