Txaber Altubek irabazi du Bizkaiko Bertsolari Txapelketako Lekeitioko saioa
- Txapelketako bigarren saioa jokatu da gaur Lekeitioko Ikusgarri zineman. Altubek, saioa irabaztearekin bat, finalaurrekoetara sailkatu da. Bihar izango da hurrengo saioa, Mungian.
aurre egingo dieten hedabide independenteak
Lekeitioko Ikusgarri zineman izan du zita gaur Bizkaiko Bertsolari Txapelketak. Areto bete zale izan da gaurkoan bertsolariei adi. Sei bertsolari hauek aritu dira gaurkoan:
- Beñat Bilbao Landa
- Iker Uriarte Urrutia
- Iruri Altzerreka Martinez
- Jone Larrinaga Dañobeitia
- Lurdes Ondaro Mallea
- Txabel Altube Sarrionandia
Lan puntuagarri guztiak egin ostean, Txaber Altubek izan da puntu gehien batu dituena: 480 puntu. Beraz, Abadiñoko finalaurrekora zuzenean sailkatu da, azaroaren 2an jokatuko dena. Gainontzeko bertsolariek, puntuazioaren arabera izango dute hurrengo fasean kantatzeko aukera. Honela geratu dira saioko puntuazioak
- Txaber Altube Sarrionandia______ 480
- Lurdes Ondaro Mallea___________458
- Iruri Altzerreka Martinez_________444.5
- Jone Larrinaga Dañobeitia_______432.5
- Iker Uriarte Urrutia_______________422.5
- Beñat Bilbao Landa______________416
Idoia Anzonandia Kareaga egin ditu gai-jartzaile lanak. Epaile honako hauek aritu dira: Ainhoa Arregi Elosua, Ander Arrien Aspiazu, Beñat Romero Maguregi, Iñaki Aurrekoetxea Arkotxa, Marta Ortiz Mateo, Miriam Juaristi Urizar. Idazkari beharretan Itziar Basterretxea Olarreaga egon da.
Bihar jokatuko da hurrengo saioa, Mungian. Sarrerak, betiko moduan, bertsosarrerak.eus atarian daude eskuragai; baita bihar Mungiako Olalde aretoko txarteldegian saioaren aurretik, aurretik agortu ez badira.
