GALen biktimen aitortza du helburu ‘40 urtez oroituz’ ekimenak
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.
Popo, Joxi, Joxean eta Jon militanteen muralaren aurrean aurkeztu du "40 urtez oroituz" ekimenak irailerako antolatu duen egitaraua. GALen gerra zikinak utzitako ondorioen aurrean "egia, memoria eta aitortza" lortzea helburu dute. Antolatzaileen artean GALen biolentzia eta atentatuen lekuko izan diren hainbat militante eta auzokide daude. Ekimenak Monbar hoteleko atentatua gogorarazi nahi duen arren, 1983tik 1987ra Ipar Euskal Herriak pairatutako gerra zikinaren ondorioak ere salatu nahi ditu: "Gure lurraldean izan ziren gertakari larri horiek guztiak oroitu nahi ditugu, bereziki bortizkeria hori jasan zuten biktima guztiak, eta zehazkiago, erailak izan ziren 27 pertsonak eta horien senideak".
Bultzatzaileek gogorarazi dute GAL Espainiako Gobernuak antolatu zuela, eta auzitegiek egiaztatu arren, egia osoaren bidean hainbat urrats eman behar direla nabarmendu dute: "Egia zor zaie, bereziki biktimei, eta oraingo jendarteak Frantziako Estatuak izan duen rola ezagutzea merezi du". Memoria historikoari begira, honakoa gehitu dute: "Batzuek gertakari ilun horiek ahanzturan gelditzea nahi lukete. Horrela, gatazka politikoan Espainiako eta Frantziako Estatuek erabilitako bortizkeria estaliko litzateke, eta gatazka bera desitxuratu".
Hego Euskal Herrian aitortzari dagokionez hainbat urrats eman direla azaldu dute ekitaldian, baina salatu dute Ipar Euskal Herrian GALen biktimek ez dutela tratamendu hori jaso. Ipar Euskal Herrian behar diren tresna instituzionalik ez daudenez, haienak bezalako ekimenek egoerari bultzada eman diezaioketela adierazi dute.
Monbar hotelaren atentatua eta egitaraua
GALek 1985eko irailaren 25ean egindako atentatuaren helburua zen hotel horretan zeuden ETAko lau kide erailtzea. Lau kideak hil zituzten eta ETArekin harremanik ez zeukan bosgarren bat zauritu zuten. Ondoren, GALek erreibindikatu zuen atentatua, eta ETAk konfirmatu zuen hildakoak bere kideak zirela. GALek egindako atentatu odoltsuena izan zen.
Hildakoen omenezko egitarauari hasiera emango diote irailaren 19an, Baionako Biltxoko elkartean antolatu duten hitzaldian. Urteurrenaren egunean, irailaren 25ean, bi jarduera antolatu dituzte: batetik, “Memoriaren ibilaldia” 17:30ean abiatuko da Réduit plazatik, Dominika Daguerre eta Jakes Bortayrouk GALen atentatuen ibilbidea azalduko dute, garaiko argazkien laguntzarekin. Bestetik, 19:00etan, Monbar hotelean ekitaldi nagusia antolatu dute.
Bere konpromiso politikoagatik eta unibertsitatean zuen militantziagatik, eskuin muturreko taldeen hainbat eraso pairatu zituen 1987 eta 1988 urteetan. Hemezortzi urterekin pairatu zuen lehen erasoa, Bilboko Santutxu auzoan bizi zen eraikineko igogailuan; geroztik, hiru eraso... [+]
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.
Egin egunkariko zuzendaritzako kide eta langilea Donibane Lohizunen erail bazuten ere, Algorta jaioterrian egin diote oroimen ekitaldia, igande eguerdian. Bertaratutako lagun zein senitartekoek presente izan dute estatuaren indarkeriak hil zuela.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
La Cumbre Jauregia biktimen aitortzarako, erreparaziorako eta dibulgaziorako gune bilakatzeko proposamena egin dute memoriaren inguruan dabiltzan hainbat taldek eta Joxean Lasa eta Joxi Zabalaren senideek. Memoria Demokratikoaren Legearen arabera, eraikina Donostiako Udalaren... [+]
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]
Juan Alberto Belloch Espainiako Barne eta Justizia ministroa izan zen Felipe Gonzálezen agintaldiko azken urteetan. Elkarrizketa batean adierazi du Galindo "onena" zela "terrorismoaren aurkako borrokan", eta bere ideia izan zela Guardia Zibilaren... [+]
Prentsaurrekoa egin berri du Espainiako eta Frantziako Estatuen indarkeriaren biktimak biltzen dituen Egiari Zor fundazioak. GALek hildako Santi Brouarden alaba Edurne Brouardek eta Xabier Galdeanoren alaba Begoña Galdeanok egin dituzte adierazpenak. Espainiako Gobernuak... [+]
Espainiako Gobernuak gerra zikina egin zuela aitortu du José Barrionuevok, Felipe Gonzálezen PSOEren gobernuan Barne ministro izan zenak (1982-1988), El País egunkariari emandako elkarrizketa batean. Zenbait agintarik eta elkartek larritzat jo dute... [+]
Urriaren 16an 39 urte bete dira GALek bi gazte tolosarrak Baionan bahitu zituenetik. Foro Sozial Iraunkorrak gogorarazi du erreparaziorako urratsak eman behar direla; hala nola Espainiako Gobernuak gerra zikina aitortzea eta berdin babestea ETAren zein Espainiako Estatuaren... [+]
Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]
Javier Chicote eta Juan Fernández-Miranda kazetariek El jefe de los espías (Espioien burua) liburua argitaratu berri dute. ABC espainiar egunkariko kazetariak dira biak, lehena ikerketa taldekoa eta bigarrena ABCko zuzendariaren albokoa. Hamalau urtez Espainiako... [+]