Torturatu eta hil zituztenetik 40 urtera, Zabala eta Lasa ez dituzte oraindik terrorismoaren biktimatzat hartu

  • Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.


2023ko urriaren 13an - 12:26
Azken eguneraketa: 2023-10-16 15:39:46
Urriaren 7an Busoten egindako ekitaldia. (Argarzkia: @EgiariZor)
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Desagertu zirenetik 40 urtera, bi gazteen familiek eta Egiari Zor fundazioak salatu dute oraindik ez dituztela terrorismoaren biktimatzat hartu, eta torturatuak izan zirela aitortu ere ez. Joxi Zabala eta Joxean Lasa Baionan bahitu zituen Guardia Zibileko talde batek eta Donostiako La Cumbre jauregira eraman, non torturatu egin zituzten. Handik Alacantera eraman zituzten eta bertan tiroz hil eta lurperatu.

GALek hartu zuen bere gain bahiketa eta hilketa, baina gerora epaiketan argitu zenez, orduan Guardia Zibileko Intxaurrondoko kuarteleko buru zen Enrique Rodríguez Galindoren agindupeko guardia zibil taldeak egin zuen operazio guztia. Operazio osoa zuzentzen aritu zen, halaber, Julen Elgorriaga garai hartan Gipuzkoako Gobernadore Zibila (PSOE).

Lasa eta Zabalaren gorpuak 1985eko urtarrilaren 25ean agertu ziren Alacanteko Busot udalerriko eremu menditsu batean, lurrez eta karez lurperatuak. Ehiztari batek aurkitu zituen gorpuak, Guardia Zibilari horren berri eman, baina ez zituzten identifikatu eta Alacanteko gorputegian utzi zituzten.

Azkenean 1995eko udaberrian identifikatu zituzten. Alacanteko polizia judizialeko Jesús García poliziak susmoa hartu zien gorputegiko bi gorpu haiei, eta Paco Etxeberria auzi-mediku ezagunarekin jarri zen kontaktuan. ADN frogak egin ondoren Tolosako bi gazteak zirela baietsi zuten.

Gorpuak nola zeuden ikusita, Etxebarriak adierazi zuen bere ustez bi gazteak torturaldi oso odoltsua jasan zutela, oso gaizki utzi zituztela eta seguruenik horregatik erabaki zutela hiltzea, oso zauri larriak zituztelako.

Senideek terrorismoaren biktimatzat hartzeko eskariei muzin egin diete orain arte, argudiatuz bi tolosarrak etakideak zirela. Joxiren arreba Pili Zabalak sarri gogoratu duen gisan, aldiz, gazteak ez zituzten epaitu eta orduan judizialki bederen ezin dira etakidetzat hartu.  

Zigorrak eta inpunitatea

Gertakari horiengatik, 2000. urteko apirilean Espainiako Auzitegi Nazionalak 71 urteko espetxe zigorra ezarri zion Julen Elgorriaga gobernadore zibil ohiari. 69 urtekoa jarri zien ordurako jada Guardia Zibileko jenerala zen Enrique Rodríguez Galindo eta Angel Vaquero teniente koronelari. Enrique Dorado eta Felipe Bayo guardia zibilei 67 urteko zigorra ezarri zieten.

Elgorriaga ez zen urtebete egon kartzelan, eta Rodríguez Galindok ez zituen bost urte egin espetxean. Bayok eta Doradok 2002rako jada espetxetik ateratzeko baimen ugari izan zituzten eta ez zuten zigor osoa bete.

40. urteurrenaren harira, Egiari Zor-ek gertatutako guztia oroitzeko urriaren 20an ekitaldia deitu du Tolosako Topic Aretoan, 19:30etan. Joan den urriaren 7an, halaber, aipatu elkarte hori eta bi gazteen sendiak Alacanteko Busonen oroitu zituzten, ehortzita agertu ziren lekuan.


Kanal honetatik interesatuko zaizu: Estatu terrorismoa
Eneko Etxeberria
“Ez nioke nire semeari Jose Miguelen bilaketaren zama utzi nahi”

Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama.


2024-04-24 | Axier Lopez
Dronea, munduko botere harreman desorekatuen ikur eta eragile

Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]


2023-12-20 | Euskal Irratiak
Dominika Daguerre
“Hiru urtez, GALen atentatu bat jasan genuen hamabost egun guziz Iparraldean”

Berrogei urte bete dira GALek aldarrikatu lehen hilketatik. 1983ko abenduaren 19an Ramon Oñaederra ‘Kattu’ 23 urteko errefuxiatua hil zuen talde parapolizial horrek Baionako Bourgneuf karrikako Kayetenia ostatuan. Gertakari hori mugarria izan zen, hor abiatuko... [+]


Poliziaren beste 66 biktima aitortu ditu Eusko Jaurlaritzak

Tartean, Joxi Zabala aitortu dute biktima gisa eta Joxean Lasa aitortzea ere ez dute baztertzen. Astelehen honetan, hilak 30, aurkeztuko dute Balorazio Batzordearen txostena.


40. urteurrena
Salatu dute Lasa eta Zabala oraindik ez dituztela “terrorismoaren biktima” gisa aitortu

Joxean Lasaren eta Joxi Zabalaren hilketaren 40. urteurrenaren harira oroimen ekitaldia burutu dute Busoten, Alacanten, euren gorpuak ezkutatu zituzten tokian. Lore eskaintza handi batekin oroitu dituzte bi tolosarrak.


Yolanda Gonzalez bilbotarraren hiltzaile Emilio Hellín peritu gisa Laura Borrasen prozeduratik ateratzeko eskatu du fiskaltzak

Kataluniako Legebiltzarreko lehendakari ohi Laura Borrás-en auzi judizialaren fiskaltzak, defentsak aurkeztutako perituaren lana ez onartzea eskatuko dio epaimahaiari, juridikoki ez direlako fidagarriak, 1980an Madrilen Yolanda Gonzalez bilbotarra hil zuen eskuin... [+]


Gerra zikinaren 23 biktimari ordainarazi dizkiete kostu judizialak terrorismoaren biktima aitortza eskatzeagatik

Egiari Zor fundazioak adierazi duenaren arabera, guztira 106.000 euro ordaindu dituzte GAL eta Batallon Vasco Españolen 23 biktimen familiek.


Protesta artean inauguratu dute Biktimen Oroimenerako Zentroa

Espainiako errege-erreginek eta Pedro Sanchez presidenteak Terrorismoaren Biktimen Oroimenerako Zentroa inauguratu dute Gasteizen. Kalean, Memoria Osoa sareak eta ehunka pertsonak zentroaren "planteamendu diskriminatzailea" salatu dute.


2021-05-31 | ARGIA
Terrorismoaren Biktimen Oroimenezko Zentroa “diskriminatzailea” dela salatu du Memoria Osoa sareak

Herritarrak mobilizatzera deitu dituzte bihar Gasteizen, zentroaren inaugurazioarekin bat eginez. Bizikidetzaren aurkako "erasoa" dela salatu dute.


AVTk Pablo Haselen abokatua salatu du “terrorismoa goraipatzeagatik”

Terrorismoaren Biktimen elkarteak (AVT) Bozhidara Alejandra Matamoros, Pablo Haselen abokatua, salatu du 2019ko hitzaldi batean “terrorismoa goraipatzeagatik”. Azken asteetan poliziaren inguruan egin dituen adierazpenak ere kritikatu ditu... [+]


2021-01-11 | ARGIA
Felipe González ikertzeko eskatu dio Pili Zabalak Gipuzkoako Fiskaltzari

Espainiako presidente ohiak estatu terrorismoan izan zuen papera ikertzeko eskatu du Joxi Zabalaren arreba eta Elkarrekin taldearen legebiltzarreko buru ohi Pili Zabalak. Espainiako presidente ohiaren aurkako azken zantzua ekainean ezagutu ziren CIAren 1984ko paperak direla... [+]


2020-08-14 | Mikel Eizagirre
Espainiako Gobernuak ez ditu GALen krimenak estatu terrorismo gisa errekonozituko

Espainiako Gobernuak gerra zikinari lotutako atentatuei buruzko datu zehatzak ematea saihestu du behin eta berriz. Eusko Jaurlaritzaren aurretiazko txostenen arabera, kasuen % 37 gutxienez biktimentzat inolako erantzun formalik gabe itxi ziren.

 


2020-07-10 | Mikel Eizagirre
Palestinar bat hil du Israelgo poliziak Zisjordanian

Palestinar gazte bat hil da israeldar armadaren tiroz Zisjordania okupatuko Nablus hirian. Sionisten arabera, hildakoak "molotov koktelak" jaurti omen zituen kontrol postu baten aurka, baina Kifl Hariseko alkateak gezurtatu egin du bertsio hori, eta "kalean... [+]


2020-07-08 | Mikel Eizagirre
Mexikon 2014an desagerrarazitako ikasleetako baten gorpua aurkitu dute, aurreko gobernuaren bertsioa gezurtatuz

Bertsio ofizialaren arabera, 2014ko irailaren 26an udaltzainek 43 gazte atxilotu eta Guerreros Unidos talde kriminaleko kideei entregatu zizkieten. Horiek hil eta gorpuak erraustu zituzten zabortegi batean. Gorpua zabortegitik urrun aurkitu dute ordea.


Eguneraketa berriak daude