Plaentxian txip bidezko edukiontziz hasiko dira biltzen hondakin organikoa

  • Errefusa batzeko edukiontziak ipintzen hasiko dira Debabarrena Eskualdeko Mankomunitatekoak bihar, eguaztena. Bizpahiru egunean hasi eta bukatuko dute prozedura. Edukiontzi grisak ipintzeaz bat, berdeak eraman egingo dituzte. Beraz, aurrerantzean txartela erabiltzea nahitaezkoa izango da organikoa zein errefusa botatzeko.

Plaentxia .eus @plaentxia
2018ko urtarrilaren 02a
Plaentxian aurrerantzean organikoa bosgarren edukontziz bilduko da. (Arg.: Plaentxia.eus)

Hondakinen gaueko bilketa aprobetxatuko dute edukiontzi berriak ipini eta zaharrak eramateko, "ahalik eta modurik produktiboenean egiteko", esplikatu du Aran Dueñasek, Debabarreneko Mankomunitateko hondakin gaien arduradunak. 

Edukiontzi handienak ipiniko dituzte lehenengo, eta hurrengo bilketa egun batean txikiak. 27 edukiontzi gris ipiniko dituzte Soraluzen. Guztira, bizpahiru egun beharko dituzte aldaketa egiteko. 

Bost edukiontzi

Edukiontzi grisa ipini ondoren, bost edukiontzi bitartez batuko dira hondakinak Soraluzen, honela sailkatuta: edukiontzi grisa izango da errefusarendako, marroia organikoarendako, urdina paperarendako eta kartoiarendako, horia bilgarrietarako eta berdea beirarendako. Horiez aparte, herriko hainbat puntutan olioa, pilak eta jantziak batzeko puntuak zein edukiontziak ere badira.

Txartelak, udaletxean

Behin edukiontzi grisak ipini eta berdeak kenduta, esandako moduan, hondakin organikoak zein errefusa edukiontzietara botatzeko, derrigorrezkoa izango da txartela erabiltzea, bi edukiontzi horiek txip bitartez funtzionatuko dute-eta. Halaber, txartel bakarra erabili behar da bi edukiontziok zabaltzeko.

Soraluzen, abenduaren 21era bitartean egon ziren hondakin bilketa sistema berrirako beharrezko materiala herritarrei banatzen: kuboa, konpostatzeko poltsak, edukiontzia zabaltzeko txartela eta informazio esku-orriak.

Jasotzeko epea bukatuta, baina, txartela-eta jasotzeko falta ziren 527 etxebizitzetatik (lehenago apuntatu barik zeudenak) 120 bakarrik pasa ziren txartela eskuratzera. Hori bai, lehenagotik, 1.428 bizilagunek dagoeneko erabiltzen zuten edukiontzi marroia: 1.405 etxebizitzak eta 23 komertziok.

Txartela eskuratu barik dutenak udaletxetik pasa daitezke eta Ingurumen teknikari Nekane Jauregiri eskatu.

Albiste hau Plaentxia.eus-ek argitaratu du eta ARGIAra ekarri dugu CC by-sa lizentzia baliatuta

Kanal hauetan artxibatua: Hondakinen kudeaketa Gipuzkoan  |  Gipuzkoa

Hondakinen kudeaketa Gipuzkoan kanaletik interesatuko zaizu...
2017-12-27 | ARGIA
Erraustegiaren 52.000 tona eskoria nahasteko, urtean 6 milioi euro gastatuko ditu Gipuzkoak

Gipuzkoako Hondakinen Kontsortzioak (GHK) Eguberri egunaren biharamunean onartu ditu Zubietako erraustegiaren bigarren fasearen baldintza pleguak. Biometanizazio planta eta eskoria nahiz errauts toxikoak tratatzeko gunea egingo dituzte, orain erraustegia eraikitzen ari diren tokitik gertu.


Gipuzkoako zabor-biltzaileen grebarik ez da izango eguberrietan, sindikatuek "oso ontzat" jo duten akordioari esker

Asteazken honetan hastekoa zen Gipuzkoako hondakin-biltzaileen greba baina azken momentuan akordioa itxi dute patronalak eta sindikatuek.


EH Bilduko hautetsiek salatu dute Intxaurrandieta eta Errazkinen auziperatzea

Buruntzaldeko eta Debagoieneko EH Bilduko alkate eta zinegotziek –legealdi honetakoek eta aurrekoek– agerraldi publikoetan salatu dute 2013an Zubietako errauste plantaren kontratua eteteagatik orain EAJk eta PSEk auzitara eraman dituztela Ainhoa Intxaurrandieta GHK-ko orduko lehendakaria eta Iñaki Errazkin Ingurumen diputatua, alderdi horiek elite ekonomikoekiko duten mendekotasuna eta beren mendeku gosea agerian utziz.


2017-10-15 | Garazi Zabaleta
Kaleetako zuhaitzen hostoak, konposterako elikagai

Konposta egiten dutenek ikasiak izanen dituzte dagoeneko emaitza egokiak lortzeko oinarrizko arauak. “Materia hezea eta lehorra bolumen berdinean nahastu”, dio konposta nola egin azaltzen duen gidak oinarrizko arauetako batean. Materia lehor horien artean daude, besteak beste, udazken aldean zuhaitzak botatzen eta gure kaleak betetzen dituzten hostoak. Euskal Herriko zenbait herritan hasiak dira dagoeneko kaleetan bildutako hostoak aprobetxatzen eta herritarrei beren konpostera... [+]


"Zaborren arduragabekeria larri honen arduradunak Javier Zubizarreta eta bere gobernua dira"

Ostegunean esan zuten hondakinen kontrola eramatea mankomunitatearen ardura dela baina Udalak bere gain hartu zuen hondakin bilketaren jarraipenaren ardura 2016ko ekaineko udalbatzan.


Moyuaren abisua zubietarrei: leherketak hastera doaz

Moyua enpresak oharra pasatu die Zubietako erraustegiaren inguruan dauden 'Zero eremuko' etxeetako familiei jakinaraziz ekaina bukatu aurretik egingo dituztela leherketak Artzabaletan.


Polemika sortu du sare sozialetan Aizpurutxon zabor bilketan ari den kamioi baten bideoak

Urola Erdiko Zerbitzu Mankomunitateak eta Azkoitia Zero Zaborrek ohar bana kaleratu dute azken orduetan sare sozialetan zabaltzen ari den bideoa dela eta. Bideoan ikusten denez, herritarrek gaika sailkatutakoa kamioi bakar batean bidu eta nahasten dute.


Gipuzkoako zaborren gatazka, bederatzi puntutan

2017ko ekainaren 15ean sei gipuzkoar daude baraualdian Donostiako plazan, salatzeko Gipuzkoan agintzen duen PNV+PSOE+PP+Diario Vasco erregimenak erraustegi alferrikako eta kutsagarri bat eraiki nahi duela. Baina erotuta al daude sei zorook? Zertarako hainbeste zalaparta? Ezin liteke hain arriskutsua izan Zubietako Ingurumen Zentro moderno hori… ala bai?


2017-06-16 | ARGIA
Gipuzkoako erraustegiaren aurkako gose greba Donostian: azken albisteak

Zubietako erraustegiaren kontrako protestan Donostiako Easo plazan aste betez gose greba egin duten sei andre-gizon ekintzaileek asteazkeneko 19:00etan amaitu dute beren baraualdia. Zazpi eguneko ahalegina alaitasunez burutzeko, salda beroa partekatu dute hurbil eduki dituzten herritarrekin eta Amarako auzotarrekin, eta erraustegiaren kontrako lanean tinko jarraitzeko deia zabaldu dute.


2017-05-28 | Dani Blanco
Erraustegiaren eta makro-kartzelaren aurkako martxa argazkitan

Erraustegiaren Aurkako Eguna egin dute Zubietan larunbatean. Egun osoko egitarauaren ostean, Gipuzkoa Zutik mugimenduak deituta martxa egin dute mila bat lagunek. Gipuzkoako Aldundiak erraustegia eraiki nahi duen eremura sartu dira, baita ondoan zeuden makinak margotu ere.


Azkenak
EGILEA
Eguneraketa berriak daude