ARGIA.eus

2021eko ekainaren 16a

Zabortegiak handitu eta berriak ireki nahi dituzte EAEn

  • Zabortegien edukiera bikoiztu egin beharko da EAEn 2030 urtera arteko epean, Eusko Jaurlaritzak aitortu duenez. Horri aurre egiteko hainbat proiektu daude mahai gainean, egungo zabortegiak handitu eta berriak irekitzeko, hala jaso du Berria egunkariak.

Argia
2021eko ekainaren 08a
Zaldibarko zabortegia da 2020an itxi dutenetako bat, amildu ostean.

Zaldibar, Mutiloa eta Larrabetzuko zabortegiak itxi dituzte 2020an, eta 850.000 tona hondakin hartzen zituzten hiruen artean. Jaurlaritzak helburu bezala hartu du birziklatutako hondakin ez-arriskutsuen proportzioa handitzea eta zabortegietara bidali beharrekoa %15era jaistea, baina hala ere hamarkada honetan 7,5 milioi metro kubo hondakinentzako lekua beharko dela aurreikusten du, eta gaur egun EAEn dauden zabortegiek 4 milioi metro kubo hartzeko ahalmena dute.

Bergara, Lemoa, Zalla, Artxanda, Gasteiz...

Zabortegi defizitari aurre egiteko mahai gainean dauden proiektuak jaso ditu Berriak. Gipuzkoan, esaterako, Bergarako Epeleko zabortegia berriz irekitzeko proposamena egina du Debagoieneko Mankomunitateak.

Bizkaian, Lemoako zabortegia handitzeko tramiteak hasi dituzte; Zallako zabortegia ere handitzea da asmoa; Artxanda inguruko eremu bat, Bilbon, zabortegi gisa erabili nahi dute; Lezaman balorizazio planta bat eta zabortegi bat irekitzeko proiektua planteatu dute; eta Jatako zabortegia handitzea ere aurreikusten da.

Araban, Gasteizko Gardelegiko zabortegia handitzea pentsatua du Udalak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Hondakinen kudeaketa kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude