Jaurlaritzak baimena eman dio Bergarako paper hondakinen pirolisi plantari

  • Astearte honetan jakinarazi du albistea Bergarako Udalak, baina dioenez Jaurlaritzaren ebazpenak ez die erantzuten baimenik ez emateko udalaren argudioei eta helegitea jarriko dio Ingurumen Iraunkortasuneko Sailburuordetzaren ebazpenari.

Argazkia: grupo vento

2022ko apirilaren 13an - 15:45

Bergarako Udalak azaroaren 22an egin zituen alegazioak eta orain dioenez, batetik "indarrean dagoen Plan Orokorrak ez du jasotzen hondakinen kudeaketarako azpiegitura erabilera, eta beraz, ez dago Larramendi industrialdeko H partzelan onartuta". Eta bestetik, "hondakinen kudeaketaren erabilera ere ez da bateragarria, erabilera osagarri bezala onartuta dagoelako, baina ez erabilera nagusi bezala".

Udalaren ustez, ez da aintzat hartzen Bergarako hiri ordenamenduak dioenari jarraituz emandako kontrako hirigintza bateragarritasun txostena ere. Honakoa dio Jaurlaritzaren idazkiak: “Ingurumen-inpaktuaren adierazpena egin da, eta Ingurumen Baimen Bateratua eman zaio Valogreene paper BC, SLri, Bergarako Larramendi industrialdeko H partzelako instalazioan Kalkare-materialaren ekoizpenerako”.

Udalak bere webgunean dioenez, aldiz, "2021eko azaroaren 8an Euskal Herriko Agintaritzaren Aldizkarian, jarduera arriskutsuak ez diren hondakinak kudeatzeko jardueraren ingurumen-baimen integratua kontzeptuarekin argitaratu zen".

"Pirolisia errausketaren gisakoa da"

Zaldibarko zabortegira eramaten ziren paper hondakinak hura itxi aurretik, eta orain horiek tratatzeko beste gune bat bilatzen ari da Jaurlaritza. Horixe litzateke Bergarako planta hau. Uztailean udalak baimena eman zion proiektuari, baina azaro hasieran baimena baliogabetu zuen, enpresak hasieran aurkeztutako asmoak adierazitakoarekin bat ez zetozela iritzita.

Pirolisiaren bidez tratatuko lituzke paper hondakinak planta honek, eta horrek eztabaida ekarri du. Ingurumen eta hondakinen tratamenduaren gaia lantzen duten eragile nagusienen esanetan, Europako Zero Zabor edo Greenpeaceren ustez adibidez, pirolisia errausketarena moduko tratamendua litzateke. Oraintsu arte, udalaren baimena giltzarri zen horrelako jarduera bati ateak irekitzeko edo ez, baina iragan abenduan Eusko Legebiltzarrak onartu zuen Tapia Legeari esker –Ingurumen Administrazioaren Legea– Jaurlaritzak nahi dituen proiektuak inposatzeko aukera du, udala aurka egonda ere.


Kanal honetatik interesatuko zaizu: Hondakinen kudeaketa Gipuzkoan
2024-05-17 | ARGIA
Zubietako Erraustegira martxa egingo dute larunbatean Lasartetik abiatuta

Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.


2024-01-30 | Uriola.eus
Zorrotzara iritsiko diren lixibiatuak jo-mugan

Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.


2023-08-01 | Jon Torner Zabala
Ibilbideak (IV)
Beloki: Han goitik hautsa ikusten da

Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]


Zumarragan erraustegi bat jartzeko asmoa salatu dute

Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]


Eguneraketa berriak daude