Verter Recycling 2002 enpresaren sortzaile eta jabe Jose Ignacio Barinaga, enpresaren kudeatzaile (eta Barinagaren iloba) Arrate Bilbao eta azpiegituraren injeniari Juan Etxebarria eguerdian eraman dituzte epailearen aurrera. Berria-k jakinarazi duenez, ez dute deklaraziorik egin epaitegian, ezta aurretik ere poliziaren aurrean. Uztailaren 21ean atxilotu zituen Ertzaintzak eta Eibarko polizia etxean egon dira geroztik. Baina EAEko Justizia Auzitegi Nagusiak esan du Zaldibarko kasua aztertzen... [+]

Verter Recycling 2002 enpresaren sortzaile eta jabe Jose Ignacio Barinaga, enpresaren kudeatzaile (eta Barinagaren iloba) Arrate Bilbao eta azpiegituraren injeniari Juan Etxebarria atxilotu dituzte ertzainek uztailaren 21ean. Zaldibarko zabortegia erori ostean auzitegietan zabalik dauden bi ikerketetako baten barruan atxilotu dituzte, astearte goizean epaileak hala eskatuta. Eibarko komisarian daude, eta ostegunean epaile aurrean deklaratutakoan erabakiko du epaileak atxilotutakoekin zer egin.

Gure ibaietako urak eta bazterrak zikintzen dituzten plastiko eta bestelako zaborren kontrako borroka txiki baten lekuko ari da izaten Urola ibaia. Eguzki talde ekologistak eskatuta beste 365 metro lineal burdin-hesi jarri dituzte. Azpeitian eta Azkoitian lehendik ere gauza bera egin dute eta Zumarragan nahiz Urretxun ere babes neurriak hartuko dituztela baieztatu dute.

Baserria XXI taldeak sinadura bilketa abiatu du, zera eskatzeko: "Artileari erabilpen duina ematea eta artzainon iritzia eta errealitatea kontuan izatea. Horretaz gain, eskatzen dugu beste lanbideetan gertatzen den bezala, Mankomunitateek euren ardura hartzea eta artilea ez suposatzea beste gain-kostu bat artzainontzat".

Udako ikastaroen egitarauaren barruan, mintegi interesgarri hau iragarri du ostegunerako –uztailak 16– Udako Euskal Unibertsitateak: "2020.urtea: Ahaztu dugu Hondakinen %50 birziklatu behar direla?". Eibarko Maskerkua jauregian buruko dira hitzaldiak goizeko 10:00etan hasita.

Eskularru biodegradagarriek, berriz, 30 urte behar dituzte kasurik onenean. Halaxe jakinarazi du Nafarroako Gobernuak Nafarroako Hondakinen Kontsortzioaren bidez sustatu duen Ibaiko beste arrainak erakusketaren harira. Gisa horretara, herritarrak Covid-19arekin kutsatzea saihesteko babes-ekipo ohikoenak desegiteko moduaz herritarrak sentsibilizatu nahi ditu.

Zaldibarren EH Bilduk aurre hartu dio 29 botogatik EAJri. Ermuan PSE izan da lehena, EAJ erori baita, eta igoera nabarmena izan du EH Bilduk, duela lau urte bosgarren izan zen koalizio hau 229 bototaraino hurbildu baitzaio EAJri. Eibarren EAJ izan da lehena, eta EH Bildu asko igo da: duela lau urte 1.400 botokoa izan zen bien arteko aldea eta oraingoan 405 botora geratu da. Dardara nabaritu dute EAJ-PSEk, baina eskualdean duten nagusitasuna ez da zabortegiaren gisa berean erori.

Lasarte-Orian Aire Garbia plataformak elkarretaratzea egin du Okendo plazan, Lasarte-Oriaren hiri-hondakin bilketaren "datu eskasak" salatu eta Zubietako erraustegiaren egitasmoa deitoratzeko. Dozenaka herritarrek bat egin dute deialdiarekin. 'Birziklatu. No a los malos humos' lelodun afixaren atzean jarri, eta protesta egin dute.

Maiatzaren hasieran Zubietako erraustegiko gunetik egindako isurketa kutsakor batek zeharo erreta utzi zuen Arkaitzerreka, Donostia eta Usurbil bitartean Oriara jaisten den erreka bat. Isurketa hura ingurumenaren aurkako ustezko delitu bat dela uste du Fiskaltzak, eta egin dituen ikerketa-diligentziak Donostiako 5. Instrukzio Epaitegira bidali ditu, berau baita kasuaren ardura duena.

Zaldibarko zabortegiko luizia gertatu zenetik bost hilabete pasa direla, ehunka lagun batu dira Eibarren, egia eta erantzukizunak exijitzeko.