Beste sute bat hondakinak errausteko plantan. Sutea piztu zen Zubietako erraustegian joan den ostiral goizean, abenduaren 27an. Euskadiko Suhiltzaileen Elkargoak sare sozialen bidez albiste honi atxikitako irudiok zabaldu zituen. Donostiako suhiltzaileek berri eman zutenez, "ordu bat egon gara sutea itzaltzen eta materiala hozten".

"Donostitik" hedabideak Gipuzkoako Hondakinen Kontsortzioak (GHK) adierazitakoa jaso zuen. Kontsortzio horren arabera, kea ikusi zuten mankomunitateetik heltzen den hondakinen deskarga guneetako batean. Hedabide horren arabera, GHK-tik mankomunitateei oroitarazi zien erraustegian baimenduak ez dauden materialak sartzeko debekua betetzearen garrantzia.

Sute honen aurrean, GuraSOSetik sare sozialen bidez salatu dutenez, beste behin, "Zubietako erraustegia hondakin arriskutsuen erraustegian bihurtu dute".