Espainiako Auzitegi Nazionalak aurkeztu eskaerari baikorki erantzun dio Frantziako Justiziak. Defentsak helegitea jarriko du Frantziako Kasazio Auzitegian. Erabakia gaitzesteko elkarretaratzea burutuko dute gaur 19:00etan Hendaian.

Azken bi urteetan Frantziako Estatuarekin izandako elkarrizketen emaitza baloratu dute Bake Bidea, Bakegileak eta Ipar Euskal Herriko ordezkaritzak. Presoen afera konpontzera bidean, egindakoa lehen etapa izan dela adierazi dute, eta aurrera egiteko data jarri: azaroaren 2a.

Gasteiz, 1973. Filologia Erromanikoa ikasia. Sortuko presidentea eta EAEko EH Bilduko legebiltzarkidea izana. Gasteizko Ekialdea institutuan irakaslea da egun. Literatura irakasten die 14 eta 16 urte arteko gazteei. Maitasun keinu bat besterik ez (Erein) entseguaren egilea. Nazio kontakizun berria proposatzen du liburuan: “Etenaldi batean gaudela onartu behar dugu, hortik ateratzeko abiapuntu bakarra baita”, esan digu. Gasteizko Artium Museoan solastatu gara.

Ostiral sainduko bake akordioa izenpetu zuten britainiarrek eta irlandarrek 1998an. Geroztik, IRAko 25.000 preso ohiez arduratu izan da Irlanda Iparraldeko Coiste erakundea, eta hortan segitzen du. Michael Culbert IRAko preso ohia eta Coiste elkarteko presidentea Euskal Herrian izan da joan den astean.

Ostiral honetan (19:00) konferentzia bat eta giza katea larunbatean antolatu dituzte Miarritzen. Helburua: euskal gatazkaren konponbide prozesuan aitzinatzea. Bake Bidea taldeak aditzera eman duenez elkarrizketak abiatu dira berriz ere Frantziako Gobernuarekin.

Josu Urrutikoetxearen atxiloketaren ondoren Iñigo Urkullu lehendakariak adierazi du historia ez zela bukatu ETAren desagerpenarekin eta oraindik ETAren atentatu eta auzi asko daudela argitzeke. Halaber, jarrera garantista eskatu du berarekiko.

2015ean Ortzaizeko operazioan atxiloturiko bost euskal herritarrak epaitu dituzte Parisko auzitegi korrekzionalean. Auzipetuek askotan adierazi dutenez, ETAren armagabetze prozesuan armategia zigilatzeko ardura zuten bi kideri aterpea eman zieten beren etxean beste hiru herritarrek. Bi kideak espetxera kondenatu dituzte, gainerako hirurak ez.

Harremanetarako Nazioarteko Taldeak bukatutzat eman du Euskal Herrian zuen egitekoa. Brian Currin abokatuak asteazkenean emandako prentsaurrekoan adierazi du badirela gai batzuk konpontzeke geratu direnak, nabarmenduz "preso politikoen auzia".

Brian Currinek gidatutako Harremanetarako Nazioarteko Taldeak (HNT) iragarri du bere lana bukatu duela, agindu zitzaion lanaren parte handi bat bete dela ulertuta. Naiz-ek aurreratu duenez, hurrengo astean baloratuko dute Euskal Herriko gatazka armatuaren amaiera lortzeko taldeak egin duen lana.

90eko hamarkadan IRAren armagabetze prozesuan parte hartu zuen Goodek egiaztatzaile moduan. Euskal Herriko gatazka politikoa ere gertutik ezagutzen du, eta Bakearen artisauekin aritu zen lanean ETAren armagabetze prozesuan.