Colonnari gertaturikoa eta euskal presoekiko Parisek duen “ezaxolakeria” salatu ditu Bake Bideak
Elkartasuna adierazi dio Bake Bideak zendu berri den Yvan Colonna preso korsikarraren familiari. Korsikar presoekin bezala, euskal presoei begira Frantziako Gobernuaren "ezaxolakeria, mespretxua eta isiltasuna" salatu ditu elkarteak.
"Beste aterabide bat posible zitekeen preso honen [Colonna] eskubideak bermatuak izan balira. Bere osotasun fisikoa errespetatua izanen zen Korsikako presondegi batera hurbildua izan balitz, bere familiak eta berak ere eskatzen zuten bezala. Beste aterabide bat posible zitekeen Frantziako Estatuak korsikar presoen gaia arlo politikotik tratatzea onartu izan balu, Korsikako gehiengoaren aldarrikapenaren errespetuan". Baina ez, korsikarren eskakizunen parean elkor, ezbehar "dramatikoa" gertatu izana salatu du Bake Bideak. Baionan egin berri du prentsaurrekoa, Yvan Colonnaren heriotzari buruzko bere irakurketa plazaratzeko. Nola ez, euskal preso politikoen egoera beste behin aipatu dute, Jakes Esnal eta Jon Paroten berri emanez.
Bake prozesu horretan eta preso politikoen auzian Frantziako Estatuaren "isiltasuna" gogorki kritikatu dute: "Bere ezaxolakeriak eta gelditasunak mespretxu osoa adierazi diete, euskal gizartetik egin diren etengabeko indarrei. Euskal gizarteak sekulako indarrak egiten baititu bake prozesuak aurrera egin ahal izateko, presoen gaia konpontzea ezinbestekoa dela oroitarazteko behin eta berriz. Beste behin ere oroitarazten dugu: bi preso hauek 71 urte baino gehiago dituzte eta 32 urte beteko dituzte preso".
Behin baino gehiagotan kondenen aplikaziorako epaileak baiezkoa eman arren haien askatasun eskaerei, prokuradoreak sistematikoki Parot eta Esnalen kartzela denbora are gehiago luzatzeko eskaera egin du. Arriskua hor da eta abisua emana dute: "Denbora pasatzen utziz Frantziako Gobernuak egoera usteltzen uzten badu, ez dugu irtenbidea tragikoa izatea onartuko".
"Injustizia" horren kontra eta egoera desblokeatzeko desobedientzia zibilaren bidetik segituko dutela berretsi dute Bake Bideako kideek. Datorren hitzordua apirilaren 2an iraganen da, 09:30ean Hazparnen eta Urruñan. Bertaratzeko deia egin diete herritarrei.
Elkartasun mezuak Euskal Herritik
EH Bai ezkerreko koalizio abertzaleak, gainera, manifestazioa antolatu du larunbaterako: 15:00etan abiatuko da Baionako San Andres plazan.
Etxepare Lizeoko ikasleak, Sortu, Kontseilu Sozialista, Ernai, LAB, Xuti Gazte! mugimendu berria, Etxerat elkartea, Komite Internazionalistak, Sare Antifaxista eta Euskal Herriko beste eragile askoren sostengua jasotzen ari dira Yvan Colonnaren hurbilekoak.
Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.
Iritzi ezberdinetako aktore politiko eta sindikalak "kontsentsu batera iristeko" ariketa egin izana eta "Frantziako Estatuak Euskal Herriko gatazkaren konponbidean duen ardura" agerian ezarri izana dira Bake Bideak azpimarratzen dituen ekarpenak.
2022ko uztailean egin zuten blokeo eguna, euskal presoen egoerari "aterabidea ematea" eskatzeko. Bederatzi pertsona auzipetu zituzten.
Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]
Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.
Apirilaren 2 eta 3an Parisen iragan zen epaiketa, dudarik gabe, judizialki memento historikoa izan zen. Lehen aldikotz euskal afera judizialetan, defentsa eta estatuaren ordezkariak aho batez mintzatu ziren.
Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]
Hori adierazi dute Bake Bideaneko ordezkariek ostegun honetan Luhuson egindako agerraldian. Azkenekoz, ekainaren 9an eta 15ean aztertu zuen Frantziako justiziak Ion Parot eta Jakes Esanen askatasuna, eta epaileek haien baldintzapeko askatasunaren alde egin zuten, baina... [+]
Jakes Esnal baldintzapean aske uzteari buruzko erabakia uztailaren 21era atzeratu dela jakin aitzin izan da ARGIA Anaiz Funosas Bake Bidearen bozeramailearekin –Ion Paroten kasuan, datorren astean jakinen da erabakia–. Badu 32 urte kartzelan direla. Pairaturiko... [+]
Ostegun honetan aztertuko du Parisko Dei Auzitegiak presoaren baldintzapeko askatasun eskaera. Karia horretara, Jakes Esnalen aldeko elkarretaratzea antolatu du Bake Bidea-k Donibane Lohizunen.