ETAren desarmea lagundu zuten bakegileak errudun jo ditu Parisko auzitegiak, baina zigorrik gabe

  • Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.


2024ko maiatzaren 16an - 14:18
Azken eguneraketa: 17:35

Parisko Zigor Auzitegiak ostegun eguerdian eman du bakearen artisauen auziaren epaia, eta errudun jo ditu. Epaiketan zehar, prokuradoreak, Jean Nöel Etcheverry Txetx eta Beatrice Mollerentzat "zigor errukigarriak" eskatu zituen. Hala, lehen informazioen arabera, bi bakegileek ez dute zigorrik izango.

Defentsak hobengabetzea eskatu zuen auzi-saioetan, baita Bake Bideak ere: "Uste dugu hobengabetze batek bakarrik emango liokeela benetako zentzua Luhusoko ekintza historikoari", azaldu zuten. Etcheverryk berak zioen, zigor batek bakegileek egindako lanaren memoria zinkitzea ekarriko lukeela.

Baina epaimahaiak prokuradoreen iritziari egin dio kasu, nahiz eta apirilaren 2an eta 3an egindako saioetan testigantzek argi eta garbi utzi bakegileen lana "epaitu beharrean, bakegileek gure aitortza merezi" dutela.

Nolanahi ere, bakegileak pozik agertu dira epaiarekin: "Errudun jo gaitu, baina zigorra bertan behera utzi du kondena, gure helburua ez baitzen arma horiek beste delitu batzuetarako erabiliak izatea, horiek neutralizatzea baizik, Euskal Herriko bake prozesua bultzatzeko", esan du Etheverryk. Hala, Berria-ko Ekhi Erremundegik informatu duenez, ez dute helegiterik jarriko.

Xantiana Cachenaut defentsako abokatuetako batek ere, Kazeta.eus-i azaldu dio ontzat ematen dutela epaia, "errekonozimendu" bat ere badelako beraien iritziz.

Bake Bideaken esanetan, "erne" egongo dira datozen hamar egunetan Terrorismoaren Aurkako Fiskaltzak helegiea jartzen ote dion epaiari eta dei egin dio ministerio publikoari, "zentzuan jardun dezan eta ez dezan helegiterik aurkeztu".

Mugimenduak ohar bidez adierazi du ezinbesteako dela, "epaitegietako erabakietatik harago antzina egitea" bake "justu eta iraunkor" baten markoan kokatzeko. Horretarako baina, agintari politikoen eta gizarte zibilaren inplikazioa beharrezkoak direla iritzi du Bake Bideakek.

Etcheverry eta Molleren aldeko agiria sinatu zuten 5.000 pertsonak. Horien artean ziren Frantziako Gobernuko zortzi ministro ohi, 35 parlamentari eta Euskal Herriko arduradun politiko ugari ere.


Kanal honetatik interesatuko zaizu: ETAren desarmatzea
2024-05-29 | ARGIA
Luhusoko epaiaren kontrako helegiterik ez du jarri fiskaltzak: bakegileek ez dute zigorrik jasoko

Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]


Urtebeteko eta bi urteko espetxe zigorrak eskatu ditu prokuradoreak Molle eta Etcheverry bakegileentzat

Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]


Epaiketa
Parisek armagabetze prozesuan “kooperatu” zuela argitu du Fekl Barne ministro ohiak

ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]


2024-04-02 | Leire Artola Arin
Molle eta Etcheverry bakegileek Parisko Auzitegian defendatu dute ETAren armagabetzea zutela helburu

ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]


‘Bakegileak’ errugabetzeko eskatu dute hainbat eragile eta sindikatuk

Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.


Eguneraketa berriak daude