Iñigo Urkullu lehendakariak neurri berriak iragarri ditu Labi batzordearen bileraren ostean. Ekainaren 2an sartuko dira indarrean, eta 20 egun geroago berrikusiko dira.

Babestu Araba, Babestu Bizkaia, Gipuzkoako Senideak eta Irauli Zaintza elkarteek zaintza publiko eta duinaren aldeko federazioa sortu dute. EAEko lurraldeko elkarteak dira. Gaur egungo zaintza-ereduak ez duela balio eta aldatu beharra dagoela salatu dute elkarteek.

Itsas Enara eta Haritzalde elkarteek salatu dutenez, Gipuzkoako Foru Aldundiaren ardurapekoak diren obra batzuetan inguru horretako harizti bakarrenetakoa suntsitu dute.

Ezbeharra gertatu zaie bai Euskadi Next asmoari -Eusko Jaurlaritzak Europako diru-funts berriak eskuratzeko abiarazitako proiektu multzoari- eta bai EAEren etorkizuneko ekonomian garrantzia handia eduki behar omen duen Hidrogenoaren Klusterrari: orain jakin da Iberdrola eta Ingeteam konpainiek Bizkaian ez baina Espainiako Guadalajaran eraikiko dutela Iberlyzer fabrika berria, elektrolizagailuak ekoizteko 50 milioiko inbertsioa ekarri eta 350 lanpostu berri sortuko dituena.

Lege proposamena aurkeztu du EH Bilduk, “independentea” litzatekeen erakundea legez sortzeko. Informazioaren arloan “aniztasuna, neutraltasuna eta baliabide publikoen independentzia” sustatuko luke, eta euskararen erabilera bultzatu, besteak beste.

Idazle eta kazetari andoaindarraren jaiotzaren mendeurrena dela eta, bere liburu eta artikulu guztiak webgunea batean jasoko dituzte. Horrez gain, beste hainbat ekitaldi ere antolatu dituzte urtean zehar erakunde eta kultura munduko eragileek.

Aurreikusia zuten moduan, Zubietako erraustegiaren ondoan kokatuko dute "Naturklima" Klima Aldaketaren Gipuzkoako Fundazioaren egoitza. Egunotan jarri du Foru Aldundiak, Eskuzaitzetan kokatuko duten eraikin berri honen "lehen harria".

Pertsona arrazializatuen identifikazio sistematikoak, horien aurkako gehiegikeria poliziala eta ekintza horien inpunitatea salatu dute Eusko Legebiltzarreko Segurtasun Batzordean, 118 eragilek sinaturiko 29-M Stop Arrazakeria Poliziala manifestua abiapuntu.

European University Gasteiz (EUNEIZ) unibertsitate pribatuko presidenteak martxan jarri nahi duten proiektuari buruzko azalpenak eman ditu Eusko Legebiltzarreko Hezkuntza Batzordean. Adierazi du ez dutela dirulaguntza publikorik jasoko, 400 postu baino gehiago sortuko dituztela eta ikasleek euskaraz ikasteko aukera izango dutela. Unibertsitatea onartzeko lege-proiektua bertan behera uzteko eskatu du LABek.

Zaldibarko zabortegiaren hondamendian hil zen bi langileetako bat da Joanquin Beltran zallarra. 463 egun igaro dira haren gorpuaren bila hasi zirenetik. Ostiralean, Eusko Jaurlaritzako Segurtasun sailburu Josu Erkorekak publikoki jakitera eman duenez  bilaketa lanak bertan behera utzi dituzte.