Hezkuntza Sailean, euskara eskubide?

Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Ekain amaieran, Hezkuntza Sailak ehunka irakasle funtzionario izendatu ditu: praktikaldia egitea falta dute, bai eta, irailetik aurrera, mediku-azterketa ere.

Azkeneko deialdian, mediku-azterketa azpikontratatu egin zuen Hezkuntza Sailak. Azpikontratatu zuenean, "txikikeriatxo" bat ahaztu zitzaion: euskaldunon hizkuntza-eskubideak errespetatuko zirela ziurtatzea. Nik, Steilas sindikatuaren babesarekin, uko egin nion mediku-azterketa gaztelaniaz egiteari eta, hiru bider planto egin ostean, azkenean Hezkuntza Sailak hanka-sartzea onartu eta mediku euskalduna jarri zuen: Bilbotik ekarri behar izan zuten, Gasteizen, nonbait, Hezkuntza Sailak ez daukalako mediku euskaldunik: ez zuzenean kontrataturik, ezta azpikontrataturik ere.

Udaberri honetan konpondutako auzi horretatik hainbat ondorio atera behar direla iruditzen zait.

Lehenengoa, Hezkuntza Sailak ziurtatu beharra dauka berarekin egin beharreko izapide guztiak euskaraz egin ahal izango direla. Berdin dio ahoz zein idatziz, berdin dio arreta zuzenekoan zein azpikontratatutakoan. Aukera paregabea dauka plantillako mediku euskaldunak kontratatzeko eta, azpikontratatu behar izango balu, baldintza-pleguan hizkuntza-klausulak sartzeko. Hau da, aukera ederra dauka iazko hanka-sartzea ez errepikatzeko.

Funtzionario izendatu berri dituzten irakasle euskaltzaleek: gure eskubideak geuk defendatzen ez baditugu, nork? Planto eginez ez bada, zelan?

Bigarrena euskalgintzak atera beharko luke. Iaz inork garrantzirik eman ez bazion ere, printzipio kontua da Eusko Jaurlaritzari euskaldunon hizkuntza-eskubideak errespeta ditzala exijitzea. Askoz hobe, gainera, urraketa salatu beharrean, eskubidea gauzagarria izango dela ziurtatzea. Hilabete bi pasa geratzen dira mediku-azterketak egiten hasteko; hasi lanean Hezkuntza Sailak oraingoan berma dezan duela sei hilabete bermatu ez zuena: hizkuntza ofiziala aukeratzeko eskubidea.

Hirugarrena, funtzionario izendatu berri dituzten irakasle euskaltzaleek: gure eskubideak geuk defendatzen ez baditugu, nork? Planto eginez ez bada, zelan? Ondo dago euskarari egiten zaizkion erasoen kontrako manifestazioetara joatea, baina askoz eraginkorragoa da herritar garelako dagozkigun hizkuntza-eskubideak irmotasunez defendatzea.

Izan ere, administrazioak –edozein administraziok– hizkuntza-eskubideak ukatzen dizkigun bakoitzean euskaldunok salaketa idatzia egingo bagenu, euskara gutxiesten duten epaileek errazago ulertuko lukete geurea, gure korner honetan, hizkuntza ofiziala dela. Ofiziala, ez koofiziala.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Ez da gelako elefante bakarra

Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]


2024-07-24 | Itxaro Borda
Estres test

Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]


2024-07-24 | Ahoztar Zelaieta
JELkumeak

Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]


2024-07-24 | Tere Maldonado
Hezkuntza sailburuari gutun irekia I

Pedrosa andere agurgarria:

Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]


Trump presidenteordea eta Putin ukrainar presidentea

Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]


Materialismo histerikoa
Ilara on

Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]


Teknologia
Arreta hezten

Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]


Eguneraketa berriak daude