Elkarri begira ez, elkarlanean
aurre egingo dieten hedabide independenteak
Oldarraldia ari du EAEko administrazioa euskalduntzeko erabakien aurka, berriz ere, enegarren aldiz. Oraingoan berrikuntza eta guzti, espainiar epaitegiak eta alderdi eta sindikatu antieuskaldunak elkarlanean ari baitira. Ez dira izan akats tekniko-juridikoak zuzentzeko asmoz abiatutako ekinbideak; oinarri politikoa duten erasoak dira, autonomia mainguari emandako aizkorakadak. Horrek are argiago uzten du Espainiarekiko independentzia lortu beharra, horretara jarri behar dugu berandu baino lehen. Edonola, bitartean, abertzaleon esku dauden erakundeetan saiatzea dagokigu, elkarri begira egon gabe, murruekin talka egin arren, erakunde horien erabakiak ere baliatzeko euskaldunok euskaraz bizi ahal izan gaitezen. Zeren, bestela, zertarako parte hartu erakundeetan?
Bi alderdi abertzaleen ekinari esker, Udal Legearen oinarriak prest utzi ziren, tartean administrazioak euskaraz lehentasunez jarduteko neurriak ere
Hain zuzen ere, 2014an, Gipuzkoako Foru Aldundian ginela antolatutako Euskararen Lehentasuna jardunaldian, Iñaki Agirreazkuenaga legelariak gogorarazi zuen epaileek baliogabetu egin ditzaketela arauak, baina ez hala legeak. Horregatik, azpimarratu zuen egitekoak hemen ditugula, Eusko Legebiltzarrak eskumena baitu legeak egiteko. Agintaldi hartan, bi alderdi abertzaleen ekinari esker, Udal Legearen oinarriak prest utzi ziren, tartean administrazioak euskaraz lehentasunez jarduteko eta hirigintzak euskararen erabileran duen eragina malgutzeko neurriak ere. Ez zen lankidetza eredu bete-betea izan, baina erakutsi zuen nahi izatera abertzaleok baginela euskararen aurrerabidearen alde jarduteko gai; gerora, Hezkuntza Legearekin gertatu ez bezala.
Bada lankidetzarako aski gai. Erasopean diren euskara eskakizunen harira, adierazia du Kontseiluak Funtzio Publikoko Legea egokitu beharra dagoela; zer esanik ez Euskararen Legea. Bestalde, hor dugu Kontsumitzaileen Hizkuntza Eskubideen araua, PSEk zikiratua, baina EAJk bere onera ekarri gabea, oraindik. Era berean, Eragin Linguistikoen Ebaluazioen eredua hiriburuetarako egokitu beharra dago, Donostiako Udalak Añorga Txikiko hirigintza egitasmoan erakutsi baitu araua funtsik gabe uzteko moduko erabilera egin daitekeela. Bide beretik, bada zereginik udalak euskalduntzeko lanean ere, hala nola Euskara Ordenantzak gainerako ordenantza eta arauekin uztartzea, eta horietan jasota dauden hizkuntza irizpideak betearazteko tresnak, baliabideak eta protokoloak ezartzea. Beraz, alderdi abertzaleok, elkarri begira egoteko baino elkarlanean aritzeko garaia dugu.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
Ez nuke zuen eguna izorratu nahi; ez jende guztia hitz egiten ari denaz hitz egin ere, baina azken asteotan, uda mugitu honen ondoren, sukaldeko leiho ondoko aulkian eseri eta munduari begira jarrita egon naiz. Begiak zabal-zabalik eta isil-isilik begiratu diot munduari bi... [+]
2024ko irailaren 11n, "Lortzear ote gaude?" izeneko artikulua argitaratu ziguten hainbat hedabidetan. Urtebete igaro da eta garbi esan dezakegu: EHUko gobernu aldaketak (Ferreira zen buru, Bengoetxea da orain) ez digu aurrerabiderik ekarri. Orduko zailtasunek zailtasun... [+]
Aurtengo ekainaren 25ean Eutanasiaren legeak laugarren urtemuga bete zuen. Nire iritziz, lege hori hainbat biztanleren lanari esker lortu da, eta, nolabait, pentsa dezakegu merezitako saria izan dela; izan ere, lege hori lortu bitartean pertsona askok erailketa salaketak,... [+]
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
Aste honetan, etxeko lanak jarriko dizkizuet. Hori gertatzen zaigu urte luzetan irakaskuntzan aritu garenoi: dena bihurtzen dugu arbel, etxeko lan eta ikas-egoera. Demagun euskal jai bat antolatu behar dugula herrian. Zer egitarau proposatuko dugu? Nola ospatu, dantzatu eta... [+]
Bizipen multzoa da gure historia. Esperientziek osatutako atal eta kapituluak. Errutina eta egunerokoa zipriztintzen dituzten gertaerak. Baina adin batera iritsita, bizi izandako momentu batzuk atzenduta geratzen dira, buruaren zokoren batean ostenduta. Ez ahaztuak,... [+]
Ez dira gauza bera. Sistema demokratiko bat, edozein eskalan, parte-hartzailea ez bada ez da demokratikoa. Demos batek ez badu lehentasunik erabakiak hartzerakoan, demokrazia eredu hori hutsala da. Israelgo Estatuan hauteskundeak egiten dira, baina ariketa politiko horrek ez dio... [+]
Trumpen muga-zergen dantza da azken hilabeteetako berri nagusietako bat. Gerra komertziala eta ekonomikoa hedabideen eta analisten ahotan daude oraindik ere. Gehienetan, baina, herritarrei gauzak era oso sinplean azaltzen zaizkie, gutxi-asko esanez Etxe Zurian ero bat dagoela... [+]
Teknologien azken joerengatik galdezka aritu da mastodon.eus-eko erabiltzaile bat, ezagutzen zuenak ez baitzion zirrararik eragiten. Zer pentsatua eman digu zenbaiti, eta jaso dituen erantzunak oso ezberdinak izan dira.
Nik adierazi diot teknologiek gizakion arteko... [+]
Ez dut ikusi nahi gorputza arimaren kartzela gisa. Baina ezin dut saihestu gorputz atletikoak, gazteak, osasuntsuak, ulertzea luxuzko ibilgailuak balira bezala, jabeen eramaile arinak. Gazte (osasuntsu, atletiko) ez garenon gorputzek ere bere jabeok eramaten gaituzte, baina kasu... [+]
Ikasturtearen hasiera, lankideekin, laneko deskantsuan, kafe baten inguruan, atzean utzitako hilabeteen oroimenak mahairatuz. Deskantsua paraje desberdinetan egin izanagatik ez ditugu alboratu gizarte gisa ibiltzen dugun garaia. Distantzia hartu eta geldiunean gaudenean gai gara... [+]
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]