Uribarrin urperatutako herrietatik bota zituztenak omendu dituzte
Ur azpian utzitako herrietatik joan behar izan ziren 600 pertsonen omenez jarri dute oroigarria urtegiaren begiratokian, "ez ditugu inoiz ahaztuko urperatutako bizitzak", adierazi du Arabako ahaldun nagusiak.
50. hamarkadan Zadorra ibaiko urak Uribarri Ganboako urtegia betetzen hasi zuen, Francok ireki zuen 1958an. 600 pertsona inguru mugiarazi zituzten laborantza lur gehienak urak estali zituelako. Horren aurrean, biztanleak beste herrietara mugitu behar izan ziren edo gehienen kasuan Gasteizera joan ziren. Egun, 74 pertsona inguru daude bertan erroldatuta.
Omenaldia egin dute, eta monolito bat jarri dute urtegiaren begiratokian
Astelehenean, 67 urte geroago, Arabako Foru Aldundiak etxea eta sorlekua utzi behar izan zituzten pertsona eta ondorengoentzat egin du omenaldia. Arabako ahaldun nagusiak Ramiro Gonzálezek adierazi du herrietako biztanleek, "ausardiaz eta sakrifizioz utzi zituztela etxeak", eta "beste komunitate batzuei mesede egingo zien garapen ekonomikoaren onurarako, aurrerapenak ez ditu ahaztu behar haren eraikitzaileak". Horri esker Bilbo Handian eta Gasteizko Hirigunean ur nahikoa dagoela adierazi, eta euskal ingeniaritzaren lorpen handia izan zela, baina aldi berean sakrifizio handia suposatu zuela aipatu du.
Monolitoa jarri dute urtegiaren begiratokian, eta haren plakak honakoa dio: "Leku honetan, gaur egungo Barrundia, Arrazua-Ubarrundia eta Burgeluko herriak erabat edo partzialki urperatuta egon ondoren, 1947tik 1957ra bitartean beren etxeak, eta lurrak eraldatuta, eta Uribarri Ganboako urtegiaren eraikuntzak haien bizitzak aldatuta ikusi zituzten pertsonak eta familiak gogoratzen ditugu, baita obretan hil ziren langileak ere. Haien historiak denboran iraun dezan behar dugu, gure oroimen kolektiboa eta gure aurrekoen ondarea gordetzearen garrantzia gogoratuta".
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
Larunbat honetan Gasteiz Euskararen Hiria ekimenak hartuko du Gasteizko Andre Mari Zuriaren plaza. Goizean hasi eta gauera arte, “euskararen aldeko festa handia” izatea nahi dute euskalgintzako eragileek, kirol jarduerak, kultur emankizunak edo arratsaldeko... [+]
Arabako Foru Aldundiak adierazi du litekeena dela irailaren 21ean irekitzea epea hautagaien zerrendak aurkezteko.
Asteleheneko bileran helarazi zioten asmo hori enpresa batzordeari, eta irailaren 9rako deitu dute hurrengo bilera. Fabrikak 151 behargin ditu gaur egun, baina ez dute zehaztu zenbat kaleratuko lituzketen.
Agerraldia deitu zuen Laudioko mugimendu feministak igandean, Odoloste eguneko goizaldean Txosnagunean gertatutakoa salatzeko.
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
Araba eta Nafarroa zeharkatu behar zituzten goi-tentsioko bi linea elektrikoren proiektuak ez dira gauzatuko. Espainiako Trantsizio Ekologikorako Ministerioak Aragoiko Tueste herrian Forestaliak egin behar zituen lau poligono eolikoen proiektuak artxibatu ditu.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Gizona Bilorian (Araba) hil dute, ustezko hiltzailea atxilotu dute Añanan (Araba).
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.