1.385 euroko gutxieneko soldata: Jaurlaritzaren azterketaren bi hutsune eta alde on bat
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB sindikatuek azterketa horren hainbat hutsune nabarmendu dituzte.
aurre egingo dieten hedabide independenteak
Hego Euskal Herrirako gutxieneko soldata duina lortzeko borroka bateratuari urte hasieran ekin zioten ELA, LAB, ESK, Steilas, Etxalde eta Hiru sindikatuek, Eusko Legebiltzarrean eta Nafarroako Parlamentuan Herri Ekimen Legegilea (HEL) aurkeztuta, besteak beste. Ordukoan Mikel Torres Jaurlaritzako Lan sailburuak azaldu zuen txosten tekniko bat egiten ari zirela soldata hori EAEn "datu objektiboekin" finkatu ahal izateko.
Nafarroako CEN eta EAEko Confebask patronalek orain arte ez dute gutxieneko soldata negoziatzeko borondaterik erakutsi eta ez dira Lan Harremanen Kontseiluan egindako bileretara aurkeztu ere egin
Asteazkenean txosten horren ondorioak aurkeztu ditu sailburuak Bilbon hedabideen aurrean eta, hamalau pagatako 1.268 eta 1.385 euroko tarte "errealista" bat finkatu du, gutxieneko soldata negoziatzeko garaian erreferentzia edo "tresna" moduan erabiltzeko.
Gaur egun SIM gutxieneko soldata 1.184 euroan dago Espainiako Estatu osoan –Hego Euskal Herria barne– eta Torresek azpimarratu du %7 eta %17 arteko igoera izango lukeela: "Tarte hori koherentea da Euskadiko bizi kostu handiagoarekin, estatu osokoa baino % 7-11 handiagoa dela zenbatetsita", azaldu du.
Aurretik, asteartean, elkarrizketa sozialeko mahaia deiturikoan aurkeztu die azterketa Confebask patronalari eta CCOO eta UGT sindikatuei –ELA eta LAB ez daude mahai horretan, uko egin diotelako–. Nafarroako CEN eta EAEko Confebask patronalek orain arte ez dute gutxieneko soldata negoziatzeko borondaterik erakutsi eta ez dira Lan Harremanen Kontseiluan eta beste foroetan egindako bileretara aurkeztu ere egin.
Nolanahi ere, Confebaskek oraindik ez du Jaurlaritzaren azterketaren inguruko baloraziorik egin.
Hutsuneak eta... alde on bat
Euskal sindikatuek gutxieneko soldata 1.500 euroan eta urtean hamalau pagatan finkatzeko proposamena egin zuten pasa den martxoan, aurretik zeuzkaten helburuak –ELAk 1.795 euro eta LABek 1.600 euro– apur bat jaitsita, negoziazio garaian "egingarria" izan zedin.
ELAk eta LABek beste hutsune bat nabarmendu dute: lan itunen bidez adostutako gutxieneko soldata litzateke, eta ez Hego Euskal Herriko lan harreman guztiei eragingo liekeen lanbidearteko gutxieneko soldata bat
ELAren eta LABen esanetan, Torresek proposaturiko 1.385 euroko kopurua "ez dator bat gure herriko langileriak dauzkan benetako beharrizanekin eta bizitzaren kostuarekin". CCOOk ere gogorarazi du Europako Karta Sozialak ezarritakoa: gutxieneko soldatak batez besteko soldataren %60koa izan behar luke, hau da, EAEren kasuan 1.600 euro inguru.
Baina azterketak proposatutako kopuruak duen hutsuneaz gain, ELAk eta LABek beste hutsune bat nabarmendu dute: lan itunen bidez adostutako gutxieneko soldata litzateke, eta ez Hego Euskal Herriko lan harreman guztiei eragingo liekeen lanbidearteko gutxieneko soldata bat. Horrek, euren esanetan, "egoera kalteberenean dauden langileak albo batera uzten ditu", lan itunek babestuta ez daudenak, alegia.
Torresek berak aurkezpenean emandako datuen arabera, EAEn langileen %87,8 negoziazio kolektiboen bidez lorturiko lan itunen barruan daude; baina "estaldura horretatik kanpo" soldata baxuenak geratzen dira. Egun 48.000 lagun daude egoera horretan, eta erdia baino gehiago etxeko langileak dira.
Gainera, lanaldi partziala duten 140.000 langile daude, eta horietatik 103.000 (%73,6) emakumeak dira. Horiek ere ez lirateke gutxieneko kopuru horretara iritsiko.
Hala ere, Jaurlaritzaren azterketak alde on bat ekarri duela gogorarazi dute ELAk eta LABek: "Dagoeneko ez dagoela zalantzarik Euskal Herriko gutxieneko soldata propioaren beharrizanaren inguruan". Hain justu, berriki, sinadurak online biltzen hasi dira sindikatuak, herritarrek babestu dezaten gutxieneko soldata propioa izateko eskumenaren aldeko HELa.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
Lurraldeko erresidentzietan eta eguneko zentroetan 5.000 langile daude, eta horietako %40k borondatezkoak ez diren kontratu partzialak dituzte. Aldundiari dagokion ardura hartzeko eskatu dio ELA sindikatuak.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Gasteizko lorezainen eta udalak azpikontratatutako enpresaren arteko negoziazioak uztailaren 7an hasiko dira Eusko Jaurlaritzaren bitartekaritzarekin.
BSHko langileek mobilizazioa egin dute larunbatean Iruñean, eta Billabesetako langileen babesa jaso dute. Billabesetako langileek manifestazioa burutu dute egun berean. BSHko langileeak enpresaren Bruselako egoitzan bilduko dira astelehenean, Europako Batzordeko Enplegu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]