Jaurlaritzako Osasun Sailak lantaldea berregituratu du, “arreta modernizatzeko eta kalitatezko zerbitzu publikoa ziurtatzeko”
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria izango da, Analisiaren, Plangintzaren eta Herritarren Parte Hartzearen Zuzendaritzaren ardura Inés Gallego Camiñak izango du eta Osakidetzako zuzendari nagusiarena Lore Bilbao Artetxek.
aurre egingo dieten hedabide independenteak
Imanol Pradales lehendakariak Eusko Jaurlaritza eratzean, 2024ko ekainean, Osasun Saila hamasei kargurekin osatu zuten, eta Alberto Martínez talde horren buru gisa. Bada, agintaldiari ekin eta urtebetera, asteartean eginiko Gobernu Kontseiluaren ondoren Martínezek iragarri du bost izendapen berri egingo dituela lantaldean, "etorkizuneko euskal osasun sistemaren oinarriak finkatzeko".
Hauek dira Eusko Jaurlaritzako Osasun Saileko lantaldeak aurrerantzean izango dituen aldaketak: orain arte Enrique Peiro izan da sailburuordea, baina aurrerantzean Gontzal Tamayo Medel izango da; Analisiaren, Plangintzaren eta Herritarren Parte Hartzearen Zuzendaritzaren buru Inés Gallego Camiña izango da; Aritz Uriarte Fuertesek hartuko du Osasun Arloko Gobernantza eta Iraunkortasuneko sailburuordetzaren ardura, aurretik Administrazio eta Finantzaketa Sanitarioko sailburuordetza zena; Osakidetzako zuzendari nagusia Lore Bilbao Artetxe izango da; azkenik, Osakidetzaren Donostialdeko ESI Erakunde Sanitario Integratuaren burua Maite Martinez de Albeniz Zabaleta izango da.
Aldaketa horiekin, Osasun sailburuak adierazi du "diziplina askotariko talde baten" aldeko apustua egin duela, "antolakuntzaren eta teknologiaren modernizazioari aurre egiteko eta euskal gizarteak zahartze demografikoaren eta globalizazioaren arloan dituen erronkei erantzuteko". Horrez gain, Martínezek lehen urtearen balantzea ere egin du agerraldian, eta nabarmendu du "premiazko erronkei" heldu eta euskal osasun publikoaren sistemaren "epe ertaineko eta luzeko oinarriak" ezartzeko urtea izan dela.
Sailburuordetzako aldaketak
Sailburuordetzaren karguaren arduraduna aldatzeaz gain, karguaren izendapena ere aldatu dio Martínezek: aurrerantzean, Osasun Arloko Eraldaketa Digitala eta Emaitzak izango da. "Funtsezko zutabea da euskal osasun sistema eraldatzeko, Osasun Sailak modernizazioarekin, eraginkortasunarekin eta berrikuntzarekin duen konpromisoa sendotuz, eta osasun arretan eta herritarren ongizatean etorkizuneko joerak ezarriko dituen erreferente gisa kokatuz", adierazi du Osasun sailburuak.
Martínezek azpimarratu du Tamayo eraldaketa digitalean "erreferentea" dela, eta profil "berritzailea" eta "lidergorako gaitasun handikoa" ordezkatzen dituela: "Euskal osasun sistemaren berrikuntza gidatu beharra kontuan hartuta aukeratu dugu [Tamayo], emaitzetara eta etengabeko hobekuntzara bideratutako ikuspegia erabilita". Osasun sailburuak jakinarazi du agintaldia harekin hasi zuen sailburuordea, Peiro, "gertu" edukiko duela aurrerantzean ere: "Lotura estua izango dugu. Bere lanpostua Osakidetzan dago, eta horra itzuliko da. Gainera, adiskideak gara".
Eusko Jaurlaritzaren Familia, Haur eta Nerabeen V. plana aurkeztu du Nerea Melgosa sailburuak asteazkenean. Hamazazpi "trakzio-neurri berritzaile" jaso ditu planak, baina ez dute zehaztu noiz jarriko diren indarrean.
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]
2025-2026 ikasturtean, Medikuntza eta Erizaintza Fakultatean euskarazko 32 ikaspostu gehiago eskainiko ditu EHUk. Erakundeak adierazi du kopuru hori lortzea Eusko Jaurlaritzako Osasun Sailarekin eta Zientzia, Unibertsitate eta Berrikuntza Sailarekin izandako... [+]
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Emakundek babestutako Hizkuntza aldaketa sozialerako tresna: hizkuntza inklusiboaren erabileraren ondorio batzuen azterketa teorikoa eta enpirikoa ikerketak ondorioztatu du hizkuntza inklusiboa erabiltzea garrantzitsua dela genero ezberdintasunak ez areagotzeko.
Gasteizko lorezainen eta udalak azpikontratatutako enpresaren arteko negoziazioak uztailaren 7an hasiko dira Eusko Jaurlaritzaren bitartekaritzarekin.
2006az geroztik EAEn martxan jarriko den lehen parke eolikoa izango da, 59 milioi euroko inbertsio publiko-pribatuarekin abiatuko dena. Siemens Gamesak eraikitako zortzi aerosorgailu izango ditu, bakoitzak bost megawatt ekoitziko dituelarik –30.000 etxe hornitzeko... [+]