Aldia itzalaz erditu zenekoa
Ustekabean edo... urte hasiera honetan bi mila milioitik gorako irabaziak izan omen ditu Iberdrolak, baina ez omen dago txapliguak, altxafuegoak, etxaferuak... edo dena delakoak zeruetara botatzeko egoeran, izan ere, iaz aldi berean baino %27 gutxiago irabazi omen du. Atalen batek ez du uste adinako errentagarritasunik, edo zergetan gehitxo ordaindu dute? Helburua iazko irabaziak ontzea izango zen eta guretzat ametsetako kopuruak (argi esateko, amestu ere ezin ditugunak) badira ere, seguru asko bazkideek eta akziodunek gutxi dela iritziko diotela; ez hori bakarrik, galdu egin dutela! Nekazaritza munduan, lurrak emandakoa zainduz dabiltzanentzat eta beste askorentzat, galtzea ez da uste adina irabazi ez izatea. Galtzea galtzea da eta kitto!
Lehengo plaentxiarrarena: “–Zer moduz fabrikan, hasi al zarete burua altxatzen? –Baa, baziak xeoxe hobetzen, torloju bakoitzarekin xentimo bat galtzen diagu, baina asko eginaren puruan, zerbait irabazi!”.
Badakit, zuekin batera bizi izan nuelako, itzalaldia benetan gertatu zela, baina nik ulertzeko moduan ez dut azalpenik irakurri ez entzun, galdu egin omen dira hamabost gigawatt argindar bost segundo eskasean. Itzalak argitu behar dituena, has dadila gu haurtzaroan bezala, “San Antonio, bila-bila, bilatzen lagundu, bestela limosnarik ez dizut emango”.
Energia nuklearra gauetik goizera energia berde bataiatu dute. Lehen, hainbeste arrisku zuelako, aurka bortitz batailatu genuen, baina...
Bada ondorioztatu duenik energia berriztagarriak ez direla gertatu denaren arriskua saihesteko lagunik onenak eta beste goi tentsioko linea bat edo gehiago eraiki beharra dagoela, horrelakorik gerta ez dadin. Energia nuklearra gauetik goizera energia berde bataiatu dute. Lehen, hainbeste arrisku zuelako, aurka bortitz batailatu genuen, baina... Zein energia mota ote da errentagarriena enpresa hauentzat? Lurtarrontzat arriskutsuena? Hurrengo aldiak itzala argitu eta ulertzekotan utzi beharko dut!
Ondoko berria, berriz, noiz eta maiatzaren 1ean Berria-n irakurri nuen: azken sei urteetan, enpresetako kontseilarien soldatak, batez beste, %50 igo omen dira eta langileenak epealdi berean %0,9. Azterketa hori egin duen Oxfam nazioarteko erakundeak 35 herrialde eta bi mila enpresa baino gehiagoko datuak arakatu omen ditu. Egia ote da? Eta zenbateko soldata dute bada kontseilari horiek? Hauxe: 2024an, batez beste, 3,8 milioi euro. Ahuntzaren gauerdiko eztula! Kontseilari askoren kasuan, gainera, soldata baino saria deituta aproposago...
Argirik gabe itzalik ez, eta nago itzalaldiak berekin ekarriko ote duen are eta goi tentsioko eztabaida gehiago, linea gehiago eraiki premia azpimarratuz, nekazarien lurrak negozio iturri gisara baliatzeko. Zergak ordaintzea gure kontu, baina xoxak Iberdrola, REE eta abarren kontseilarien esku.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Bortizkeria zuzenak, agerikoak eta isilak, gainjarriak eta zeharkagarriak, mikroak eta geldoak. Bortizkeria egunerokoan irristatzen da, uneoro, boterea edo erabakitzeko ahalmena duenak ez duenaren aurrean boterea erabiltzen duenean. Hainbeste egoeratan murgiltzen gara... [+]
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Hainbeste jainko, arima, teontzi… beren izatea frogatu ezinik, eta jendeak ez ditu sinesten zientziak, kazetaritzak… ahal bezala, baina geure espezieaz harro egoteko moduan, frogatutakoak. Batzuek Lurra laua dela diote, eta debekatuta dagoela Antartikara... [+]
Maiatza Birjina Mariaren hilabetea den bezala, amak ospatzeko aukera da Mendebaldeko jendartean. Kasualitatea? Ez dut uste. Frantses lurraldean, Vichyko gobernuak besta hori instituzionalizatu zuen. Helburua bertuteko eta sakrifizioak egiteko prest den pertsona hori handiestea,... [+]
Joan den maiatzaren 23an iragan da, Baigorriko elizan, aparteko kontzertu bat: 180 haurrek, 7 eta 15 urte artekoek, maila handiko kantu emanaldia eskaini diote eliza mukuru bete zuen jendeari. Haur horietarik batzuk Donazaharre eta Baigorri aldean kokatua den Iparralai musika... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Bestea”-k gogaituta du gizateria, duena kenduko dio, duena eraldatuko du, kutsatuko du... “Bestea”-k definitzen gaitu... baina “bestea” denok izan gaitezke.
Egun, nor da “bestea”? Nork seinalatzen du izan behar ez dena?
Zapalduen... [+]
Oporretan nago baina oraindik ez dut zutabea hasi. Oporretan nago baina nire gelak ez du igarri. Oporretan nago eta etxeko hautsa ez da mugitu. Oporretan nago eta topaguneko kanpin dendak lokatzez beteta jarraitzen du egongelan. Oporretan nago baina nire agenda ez da... [+]
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Haurrak begiratzeko gure paradigma ez da erabat aldatu, baina aldaketak-edo egiten ari gara, egia da, beste kontzientzia maila batekin, aferak duen garrantziagatik-eta. Bazen garaia. Kontua da, baina, haurren bizitza gure esku dagoela, eta behar duten bizimoduan aldaketak... [+]
Stanfordeko Unibertsitateak dohainik eskaintzen duen Storm deituriko erreminta ezagutu berri dut. Adimen artifiziala erabilita, edozein gairen inguruan artikulu akademikoak sortzeko diseinatutako ikerketa tresna da. Fidagarriak eta baimenduak diren hamaika iturri erabiltzeko gai... [+]